الساده الاعضاء و زوار منتديات المهندسين العرب الكرام ,
, مشاهده القنوات الفضائيه بدون كارت مخالف للقوانين والمنتدى للغرض التعليمى فقط
 |
|
|
|
|||||||
| الزمالك كل اخبار نادي الزمالك |
 |
|
|
أدوات الموضوع | انواع عرض الموضوع |
|
رقم المشاركة : ( 1 )
9/10/2011, 01:10 AM
|
|||||||||||
|
|||||||||||
يعنى ايه تبقى زملكاوى
  يعنى ايه تبقى زمالكاوى يعنى تبقى مصرى وتتعامل من تليفزيون الدوله واعلامها .على انك من عرب 48 . يعنى تدفع مرتبات ناس تعتبرك اجنبى وتتواجد فقط لمحاربتك يعنى وزير اعلامك ورئيس تلفزيون الدوله .يكافئ اى اعلامى يحاربك بالاكاذيب والضلال يعنى تكون صاحب رؤيه .وصاحب راى .. وصاحب حس فنى متذوق وممارس لكره القدم . وتحب نادى .ثم تكتشف انك شجعت نادى الكل يحاربه ويعاديه .وانه بيمثل هؤلاء الذين لاتحبهم الحكومه لانهم نوعيه غير قابله للتسيس . وفجاه تكتشف الكارثه ..انك تناصر حزب معارض فى بلد دكتاتورى يعنى ايه تبقى زمالكاوى يعنى تروح الاستاد من اجل ان تستمتع بكره قدم . قبل النتيجه . وتفاجا بحكم يفسد عليك المتعه لانه يخاف على اكل عيشه او لانه فاسد او لانه كاره لك ولناديك يعنى تروح الملعب وانت خايف من الحكم وليس فقط من سوء مستوى لاعبيك يعنى تروح الاستاد لانك تحب الزمالك ككيان ومعنى حتى لو اتغلب . يعنى يبقى عندك افضل اللاعبين على مدار التاريخ .وبطولاتك اقل من نادى الفساد .. يعنى تبقى مشاركاتك الافريقيه اقل وعدد بطولاتك اكثر ومع ذلك لاتفوز بلقب نادى القرن لانك مش قرنى ...ولا من ذوى القرنين يعنى تسبح ضد تيار التغييب ولاتقبل ان تكون من بين القطيع الذى ينساق وراء وهم التفوق الكاذب وتضحك وانت ترى من يهلل بانتصارات جاءت بكل الطرق الغير مشروعه ..ويصدقوا انفسهم انهم ابطال ..وانهم فازوا بمجهودهم . ولانهم الافضل .. يعنى ايه تبقى زمالكاوى يعنى تفتح تليفزيون بلدك تلاقى مذيع سخيف .لاصله له بكره القدم سوى كونه حكم سابق فاشل تم ضربه وطرده .. يفتى فى التحكيم . فقط ليشكك فى فوزك ويشحن الحكام ضد فريقك ويهاجم كل من يعدل ولا يجامل الاهلى .. ومع ذلك يجد مسؤول فاسد فى تليفزيون الدوله يتعاقد معه بالملايين من اموال الضرائب التى تدفعها انت . مكافأه له لانه ضدك .. وربما لانه يتقاسمها معه يعنى ايه تبقى زمالكاوى يعنى يبقى مدرب المنتخب احد ابرز ابناء ناديك ومع ذلك يحارب ابناء النادى . ويتعسف فى استخدام حقه فى الاختيار . ومع ذلك ربنا يكرمه ويحقق انجازات ..وفجاه تكتشف ان هناك شيئا غير مفهوم وان كره القدم ليست اجتهاد ولا امكانات وليس لها قواعد ثابته فحسب .. ولا تملك سوى الصمت والتعجب فلعلك لاتفهم شيئا يعنى ايه تبقى زمالكاوى يعنى تلاقى كل البلد بتحاربك . وتشوف الفساد واضح جدا وتكتشف ان الفاسدين فقط والمنافقين للنادى الاحمر يسيطرون على كل المجال الاعلامى والادارى .وان تذكره الوصول لاى منصب او وظيفه فى جريده او قناه او حتى كضيف فى برنامج .. هى ان تتطاول وتهاجم الزمالك يعنى ايه تبقى زمالكاوى يعنى تلاقى منيسى وتوحيد ونواره والكاذب والليثى وشوشو وغيرهم .. لاهم لهم سوى ان يهدموا فى الزمالك ويستفزونك ليل نهار .وعليك ان تتحمل سخافاتهم .وسخافه التابعين لهم ومن يصدقون تلك الاكاذيب والتفاهه لانها تاتى على هواهم .. يعنى ايه تبقى زمالكاوى يعنى تتحارب من اتحاد الكوره ويعتبرك خصم ويطبق عليك كل القوانين ويخترعلك عقوبات ويتجاوز عن المنافس .. ويتواطأ ضدك فى تزوير التواريخ والعقود حتى لاتحصل على لاعب تعاقدت معه يعنى يبقى مجدى مقشه يحاربك فى لجنه شؤون اللاعبين .. ولجنة المسابقات ولجنه الحكام . والهوارى يقسم انك مش هتاخد بطولات طالما هو متواجد وزاهر يقف مساندا ليشترى ذمم كل من يقول لا يعنى ايه تبقى زمالكاوى يعنى لما تستجير من حكام مصر . لانك لم تفوز على الاهلى بحكم مصرى . وتفوز بحكم اجنبى يتم تعيين سحر الهوارى رئيسه لجنه الاستقبالات .لكى تستقبل الحكام الاجانب ..وتكتشف ان الاجنبى اصبح العن من المصرى . ويظلمك ..لانه تم استقباله واكرامه ...!!!؟؟؟ يعنى لاعبيك تبقى مهدره الحقوق ويتم ايقافهم حتى لو لم يتم ادانتهم من الحكام والمراقبين. ومطاردتهم بالكاميرات التى يقف خلفها مخرج رقيع . معدوم الضمير . بينما كل ذلك لايتم مع النادى الحكومى .. والكل يصيبه العمى يعنى ايه تبقى زمالكاوى يعنى لما لاعب من عندك يقول للحكم العبها انت ..يتم ايقافه ثلاث مباريات .. ولاعب الاهلى يسبه بامه بلفظ خارج .يتم تجاهل الامر . يعنى مدربك يعترض على الحكام يتم تغريمه خمسه الاف .. ومدرب الاهلى يتوعده بانه لن يحكم مره اخرى . رغم مجاملاته له .يتم تغريمه تلاثه الاف.. يعنى ايه تبقى زمالكاوى يعنى مطلوب منك تستحمل وتدافع عن ناديك ..ضد كل ماسبق وضد بعض ابناء النادى . يعنى انت تقاطع مودرن وشلبى والاراجوز . والغزال يبقى ضيف عندهم .. من اجل السبوبه يعنى تستحمل سخافات فيلسوف الغبره .العاق .الذى باع ناديه من اجل منصب زائل . يعنى لازم تتحمل سخافات اى زمالكاوى لايجد عمل فيذهب للقنوات ليهاجم الزمالك .بحجه انه خايف عليه يعنى الغزال يبقى عضو مجلس ادارتك ويتاجر فى اسرار النادى وينتقد اوضاع هو مطالب بتصحيحها يعنى الفيلسوف العاق يمدح فى المنافس لكى يرضى عنه اصحاب القناه وباقى جرذان الجبلايه يعنى ايه تبقى زمالكاوى يعنى تلاقى كل الاعلام احمر بيهاجم ناديك ويكذب ويطارد لاعبيك بالشائعات .. لكن ابناء ناديك .يتمسكون بالحياد ومزاوله المهنه بكل الاخلاق .. ولاتملك ان تلومهم وتطالبهم بان يتخلوا عن مصداقيتهم .. رغم انهم يبالغون فى القسوه على الزمالك احيانا من اجل وسواس الحياد يعنى الغندور وهيثم . يتمسكون باخلاق المهنه .. والباقى لا اخلاق لديهم ... يعنى ايه تبقى زمالكاوى ............................................... يعنى تبقى من جمهور الصفوه يعنى تبقى فخور بانتماءك رغم كل ذلك .. وحزين من السلبيه يعنى تحب كل القيم. الحق والخير والجمال وو.. . ولا تجدها . وتعانى من اجلها . يعنى قلبك ابيض وتنسى كل الاساءات مع اول فرحه ..وتنسى كل الاحباطات مع اول نجاح يعنى تحب الحق ولا تجده ..وتحب بلدك وبلدك تحاربك . وتفضل تحب رغم كل المعاناه لانك لاتستطيع ان تكون غير ذلك .. يعنى لازم تتمسك بمن تحب وتدافع عنه ..لانك لاتملك سوى ان تدافع عنه .. حتى لو احبطك  
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض العادي
