أستفسار من مهندسين المركزى

[ismael2010]

السلام عليكم ورحمة الله

هل يمكن تشغيل الكمبيوتر على شبكة الدش؟

بمعنى هل هناك برنامج أو جهاز يجعل الكمبيوتر يعمل على التراددت uhf or vhf

أرجو التوضيح من المهندسين !!!

وشكرا...

[alsharkawy]

نعم بس يجب توفير كارت شاشة وموديليتور

[ismael2010]

ما هو الموديليتور

وما سعره

رجاء الافاده

وشكرا

[messi2pato]

يا كابتن الموديليتور ده بيبقى شبه جهاز الالكاد ال 2فى 1اللى بنستخدمه فى تظبيط الصوره فى الشوارع فى الشبكه وسعره بيتراوح من 200الى 300جنيه وعلى فكره انا عامل قناه كمبيوتر عندى والمشتركين فرحانين بيها واى سؤال فى الدش المركزى العبد لله سداد انشاء الله

[ismael2010]

بارك الله فيك

تسلم يا أخى

[السعيدطه]

ياجماعة كمان فى فيديو بيخرج وفى كمان ريسيفر اسمة توب فيلد 3000 كمان بيخرج

[Sadekamer]

المشاركة الأصلية كتبت بواسطة messi2pato

يا كابتن الموديليتور ده بيبقى شبه جهاز الالكاد ال 2فى 1اللى بنستخدمه فى تظبيط الصوره فى الشوارع فى الشبكه وسعره بيتراوح من 200الى 300جنيه وعلى فكره انا عامل قناه كمبيوتر عندى والمشتركين فرحانين بيها واى سؤال فى الدش المركزى العبد لله سداد انشاء الله

ممكن ياغالى تشرحلنا طريقة عمل هذه القناة وتكون مشكور

[m_m_m_m]

لقد ذكرت من قبل طريقة توصيل كمبيوتر بالشبكه وذكرت تعريف المودليتر ولكنى لم اذكر افضل انواعه وهى كالاتى التيرا ثم الالكاد ثم الترياكس ونسيت ان اذكر ان هناك اكثر من طريقه لتوصيل الكمبيوتر با لشبكه حيث نقوم باخذ الصوت والصوره من كارت الشاشه الموصل باكمبيوتر ونوصله ب in وليس out للفيديو الكاسيت ثم ناخذ rf out من الفيديو ونختار قناة التوليف التى نريدها من الفيديو وهى ارخص الطرق بدلا من شراء مودليتر والان لنذكر افضل انواع كروت الشاشه وافضل الانواع على الاطلاق هو nevidia حيث يتميز هذا الكارت بانه يجعل صورة الكمبيوتر وكانها صورة ريسفر فصورته تظهر كامله ولاتظهر لك معلومات عن media player او film الذى تعرضه ويتم البرمجه كالاتى1- تختار dual view من طرق العرض
2- ثم تختار videa device
3- ثم نختار auto deted
4- ثم ok
وشخصيا لا ارى اى لا زمه للكمبيوتر وكان من الافضل شراء dvd من النوع الجيد مثل اليابانى او الماليزى به خرج rf وتقوم باذاعة الافلام الجديده والمناسبات السعيده كالافراح وغيره و تقوم بتسجيل الاعلانات التجاريه على اسطوانات ويقوم بعرضها ابضا وتقوم ببرمجته ليعمل 24 ساعه وافضل الانواع sony برمجته سهله جدا ويعمل بكفاءه عاليه ومعه كتالوج لبرمجته و بذلك توفر ثمن الكمبيوتر و كارت الشاشه والمودليتر
ارجو ان اكون استوفيت فى الشرح و افادتك اخى

[حـازم حـازم]

المشاركة الأصلية كتبت بواسطة Sadekamer

ممكن ياغالى تشرحلنا طريقة عمل هذه القناة وتكون مشكور

انا اشرحلك يا باشا .... بص ياريس
انتا هتشترى اول حاجه جهاز موديليتر( من النوع اللى بيحول اوديو وفيديو الى ار اف ) .. هو سعره زى سعر الرسيفر.. الجهاز ده بياخد من كابل الصوره و الصوت ويحولهو الى Rf زى الرسيفرات اللى عندك فى الشبكه وعن طريقه تقدر تختار التردد اللى انتا عايزه .. كأنه رسيفر عادى ... تانى حاجه هتشترى كارت شاشه فيه فتحة فيديو وزى ما قال الدكتور محمد هات النوع nevidia لان مش هيعمل موجه فى الصوره لما تدخله عالشبكه ... بعد ما تسطب كارت الشاشه هتاخد من فتحة الفيديو بتاعته كابل صوره وتحطه فى الموديليتر فى فتحة الصوره ... وتاخد من كارت الصوووووووت بتاع الكمبيوتر وصلة الصوت وتحطه فى الموديليتر فى فتحة الصوت .. يبقا كده عندك صوت وصوره داخلين للموديليتر .. وبعد كده هتاخد من rf بتاعه اللى هو الخرج بتاعه طرف وتوصله بالمجموعه زى ما بتوصل اى رسيفر عادى فى الشبكه ....... واى خدمه يا باشا

[ismael2010]

شكرا للمتابعه

شرح ممتاز

بارك الله فيكما

[جبر54]

شكرا يا غالى على المتابعة

[aboelnsr1]

جزاك الله خيرا

[ابو عوض المهندس]

المشاركة الأصلية كتبت بواسطة السعيدطه

ياجماعة كمان فى فيديو بيخرج وفى كمان ريسيفر اسمة توب فيلد 3000 كمان بيخرج

يا غالى انا عندى الرسيفر توب فيلد ممكن طريقة تشغيله