|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||||
|
|||||||||||
أنا فاطمة
أعلم أنها طويله ولكنها أصرت على كتابة رسالتها حتى النهاية 00 فياابنتى لك ماشئت 00 فاصرخى من أجل أطفال لم نستطع إسعادهم ونخشى أن نعترف أنا قتلناهم 00 أنا فاطمة أنا يا ( بابا ) موش واكله ولاشاربه --------------------------------------أنا مخلوقه للغربه 00 عشان خاطرى كده سبنى هنا سجنى 00 مناسبنى أنا رافضه 00 أكون طفله فى وسط حياه بتكرهنى !! أبوس إيدك ولو مره 00 انسى الدنيا واسمعنى وسبنى أصرخ أنا حره 00 بلاش ترجع وتخدعنى أنا برفض تدلعنى 00 وسبنى أصرخ هنا فى سجنى أنا بهرب 00 أنا رافضه أكل واشرب 00 00000000000 أنا م الكون 00 أنا بهرب 00 عشان خاطرى ماتمنعنى ولو تدبل عروق جسمى 00 أوعى يا( بابا ) تزرعنى وشيل جدرى 00 عشان خاطرى بكل عزيمه 00 و اخلعنى عشان خاطرى ماتمنعنى 00 عشان الدمعه من عينك 00حتوجعنى أوعى تنادى 00 يابنتى 00 نداك اسمى 00 بيلمسنى بيحدفنى على صدرك 00 بنعسنى وأنا رافضه تحمسنى وسبنى امشى 00 أنا يا( بابا ) موش راجعه أنا ماشيه 0000000000 أنا ماشيه وسايبه لك على صفحات كراستى ليه برفض 00 وليه بشجب 00 وليه بسقط فى مدرستى عشان تشجب 00 كده وتطلب 00 لكل طفله فى الدنيا مدارس زى مدرستى أنا يا (بابا) موش ساكته 00 سكوتى شىء بجننى 00 حرام يا ( بابا ) لو تسمع صراخ طفله كده فى سنى فى وسط خرابه مرميه 00 جوار جثه بترعبنى ولون دمى على علمى تشوفه راح تقول ( ابنى ) أنا يا ( بابا ) لو أبنى حخلى الكون ده ( بنيه ) حخلى سلامى أغنيه 00 تغنيها 00 تتأتأها 00 شفاه طفله أملها تعيش فى حريه أنا يا ( بابا ) فى ( البوسنه ) ثلوج الأرض ملبسنا مدارسنا بتكدب لو تدرسنا طباشيرنا 00 دمانا هى طباشيرنا سطور كراستى مخطوطه هنا بدمى ووجه ( أمى ) خيال من حلم فى روسنا 000000000000 عشان خاطرى ودى موش غلطه 00 اسمح لى أنا يا ( بابا ) لو أرضى حعيش والذل بدبحنى أنا يا ( بابا ) موش بصرخ عشان الدنيا تمدحنى أنا بصرخ عشان جرحى 00 عشان ربى يسامحنى صراخى يمكن أحتاج له 00 فى وقت دفاعى عن نفسى فى لحظه خوفى من يأسى ورب العرش بسألنى 00 عن أخواتى 00 وعن قدسى أنا محتاجه لصراخى عشان خاطرى 00 أنا حصرخ 0000000000000 أنا يابابا 00 أنا رافضه 00 وأنا بصحى أشوف الدنيا دى صحرا بتاكل أرضها الخضرا وجايبه الموت يبارزنى وعظم ولادها ولحومهم 00 بترميهم على وجهى تقززنى عشان أصرخ 00 عشان ألطم على خدى 00 أقول للدنيا دى ( جروزنى ) وبعد صراخى عش واحلم تجوزنى تودينى مع رحله لأمريكا 00 هناك ( ديزنى ) 000000000000000 أنا رافضه أكون ملعب 00 أكون كوره وأنا بلعب 00 تشوطنى الدنيا بالشلوت أنا برفض أكون 00 بيروت أنا برفض أكون محنيه وقت ماموت أنا برفض تكون بلدى كما العشه 00 وأنا الكتكوت فى عز الظهر تخطفنى وأنا بلعب أصاد عينكم بسرعة برق ( حدايه ) وترمينى فى وسط تابوت أنا برفض 00 أكون بيروت 00000000000 أنا نفسى أكون ( حقنه ) 00 لوخز ضمير يفوقنا أنا نفسى أروح ( بغداد ) ونفسى أسأل مآذنها مين بس فرقنا 00وخلانا كما الزرعه 00 وهم جراد وخلانا كده لقمه 00 يفرتك فينا يبلعنا 00 صاروخ ( إسكاد ) وده سنى 00 وده شيعى 00 وده عايش لتجويعى 00 وده بحلف بتركيعى وحرجع تانى 00 أبكيلك هنا فى ( غزه ) على أخواتى 00 على ( أحمد ) 00 على ( سوسن ) 00 على ( عزه ) على عروبتى 00 على دينى على العزه 0000000000000 أنا حصرخ 00 وموش ساكته 00 أنا برفض أكون نكته 00 تضحكهم أنا برفض تدلعنى 00 تنادى على يا ( بطه ) !! أنا برفض أكون ( بطه ) أنا يا ( بابا ) م الوقتى 0000 أنا فاطمه أنا فاطمه انا فاطمه كتبتها من أجل ابنتى 00 فاطمه إبراهيم العدل
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~