[مدحت الجزيرة]

سعد بن علّوش
البطولة


الشعر وهبـة رب ماهـو تـدرّاس
وانـا بفضـل الله أقولـه وأعولـه
أجذب جماهيره مثل جذب الألمـاس
واقعّـد بـزوره ووقّـف كهـولـه
أفصّحـه وآنبّطـه وأنثـره كـاس
وآسكّـره وآفـض بكـرة بتـولـه
واليا اعلنو شعّار ساحتـهالافـلاس
صكّيتله فـي بنـك مخّـي عمولـه
والشاعر اللي في هيبـه ونومـاس ؟
مايخـذل الجمـهـور لاصفّقـولـه
يارب يللي خالق أعبـادك أجنـاس
ياربّنـا يللـي عظمتـك .. مهولـه
يامالـكٍ ملكـك بـلا حـد وقيـاس
الأدراك .. لـو تناولـه .. ماينولـه
يسبّحلك النمل فـي ليـل الاغـلاس
ويخاف بطشك فاسد .. وشيخ دولـه
ياعالـمٍ تعلـم بـذرّات الانـفـاس
علمٍ علمـاء البشـر مـا اوصلولـه
ياجاعلن شيطـان شاغـل وخنّـاس
ومخشّـره قلـب البنـادم وزولــه
ياخالق الكرمـان بيضـان الالبـاس
ويمدمّر أقرا .. المترفيـن بسهولـه
يادامج الاسياف في جال الاطعـاس
ويامفني العشبه .. ومبقـي الجلولـه
يمنزّل الفرقـان جـلاّي الاعمـاس
ترضيبه نفـوس العبـاد الزعولـه
أجنبني الشرك وعمل عمل الانجاس
وفقّهنـي فدينـك وسنّـة رسـولـه
أنا فوجهك ... لايجي وجهي البـاس
في يوم .. تعرا فيه حتّـى الخجولـه
البارحه ماغمّـض الجفـن بنعـاس
غدابـي التفكيـر صولـه وجولـه
فالنّـاس وفالدّنيـا وفالهـم واليـاس
وفي سرعة أقـدام الليـال العجولـه
العمـر يمشـي والمقاديـر جـلاّس
والحلم.. ياقصره ولوهو .. يطولـه
والقلب هـاذا كـل ماهـب نسنـاس
شـددّ معاليقـه ودقــق طبـولـه
والحزن طعمه طعم وأجراسه أجراس
لاجاب دمع؟ ايجيك علـى اصولـه
والدّمع لو نقّص ضعيّـف وبـلاّس
مانقّص ارجـال المواقـف رجولـه
بالعكس .. أشوفه بوح راقي ونبراس
في وقت شحّت فيه حتّـى الطفولـه
الفلسفه ؟؟ ومعالج الجـذع بالفـاس
خذت من أثمن بحـر ماسـه ولولـه
والأثم والفعـل الـردي والتغـلاّس
يرّث عقد جمّا ,.,. وأنفـس ملولـه
والأنسان بالفطره .. مناقض للأدناس
لو يشتهـي قلبـه وتجـرا رجولـه
واللي يدوس النفس ماهوب منـداس
لـو اوقفولـه خبرتـه واقعـدولـه
ومدينةٍ ماهيب تبنـى علـى سـاس
مالوم ماطرهـا لا وقّـف هطولـه
ياليـت مـادون الثمينـات حـرّاس
ومادونهـا بـابٍ تقـفّـل قفـولـه
وياليت مالي أسم من بيـن الاقـواس
وياليـت كفّـي باخلـه ومغلـولـه
وياليت ماعندي مشاعر ولا
الله .. ياكـم شـي خافـي بقـولـه
وياليتني أنسان مـن سايـر النـاس
لانّي تعبـت اعيـش دور البطولـه
الحكـم لله والمسـجّـل بـكـرّاس
بيصيبنـي لـو أن مانيـب حولـه
الله يعـز السـاس ويشمّـخالـراس
ويشيّل ابعير المحامـل . . حمولـه