السلام عليكم,
من فضلكم يا باشمهندسين أنا عملت تحديث لآخر سوفت وير لريسيفر أسترا 8900 HD+ من الملفات الموجودة في المنتدى فالقنوات من CCCAM مابقتش بتفتح بسرعة وفيه قنوات مبقتش بتفتح خالص فقمت مرجع السوفت وير القديم (كل الخطوات دي تمت بفلاشة) .. بعد الرجوع للسوفت القديم لقيت الريموت مش شغال لكن القنوات شغالة وبيقلب من الزراير وعشان الريسيفر ده مافيهوش زراير للقايمة مش عارف أعمل تحديث تاني. (الريموت كان شغال قبل مارجع السوفت القديم)
المهم إني جبت وصلة USB عشان أنزل سوفت باللودر ولحمت نهايتها بالشكل ده
الأخضر .. بين رقم 2
الأبيض .. بين رقم 3
الأسود .. بين رقم 5
الأحمر (الباور) .. غير موصل
لكن بعد التوصيل باللاب توب لا يحدث شئ ولا صوت توصيل وصلة ال USB يعني اللاب مش شايف الريسيفر أصلا ولا ظاهر في Device Manager
فقرأت في منتدى تاني إن فيه طرق تانية غير وصلة 2 3 5 .. فهل ممكن حد يدلني على طريقة التوصيل الصحيحة للريسيفر ده .. شكرا جزيلا
