اقتباس:
المشاركة الأصلية كتبت بواسطة أسماءعيد
ليه النحل مش بيطير بعد ما يقرص القرصة بتاعته
وليه فيه نحل بيهاجم البشر ونحل مش بيهاجم
وليه النحل بيعيش فى الغابة فى تجمعات صغيرة مش كبيرة
|
السلام عليكم ورحمة الله وبركاته
اولا" اتقدم بخالص التحيه لحضرتك على الاسئله الجميله دى
اولا" بخصوص ليه النحل مش بيطير بعد ما يقرص القرصة بتاعته ؟
اولا" علشان نجاوب على هذا السؤال لازم نتعرف على شى موجود عند النحل سبحان الخالق فيما ابدع
اولا" النحل ده بيحتوى على اله اسمها الة اللسع وتوجد الاله دى اسفل البطن وهذه الاله التى من خلالها يستطيع ان يقوم بعمليه القرص او ما يسمى بلسع النحل
ثانيا" بطن النحله هى عباره عن حلقات دائريه رقيقه جدا" وتتزايد فى الهشاشه وضعف التماسك اكثر كلما ذهبنا الى مؤخرة البطن والتى تحتوى على اله اللسع فى نهايه البطن اذن مؤخرة البطن والتى تحتوى على الة اللسع هى ضعيفه وهشه جدا"
لذلك عندمك تقوم النحله بعمليه اللسع اذن بتخترق الجسم بالة اللسع التى هى فى مؤخرة البطن وعندما تخرج الاله من الجسم المخترق او الشخص المجنى عليه هههههههه اى المقروص لا تستطيع اخراج الة اللسع مره اخرى فبيحصل تهتك فى اخر حلقتان من البطن وتنزع مع اله اللسع وتظل فى جسم الشخص المقروص اذن النحله اصبحت مصابه بشكل بالغ وخطير جدا" لان موخرة البطن تهتكت ونزعت تماما" لاذالك لاتستطيع الطيران والاهم من الطيران حتى لو طارت سوف تموت بعد فطرة قصيره جدا" نتيجه لهذه الاصابه
ملحوظه
اذا قرص الشخص من اكتر من 350 نحله قد يسبب ذالك الى الوفاه فى الحال
اما بخصوص السؤال الثانى وليه فيه نحل بيهاجم البشر ونحل مش بيهاجم
النحل ده انواع عديده وكثيره وسوف اذكر بعض منها على سبيل الميثال وعادات وخصاص كل نوع كا اى شى كل طائفه لها عادات واطباع غير الاخرى
اولا" النحل المصرى ويعتبر النحل المصرى من اقل النحل انتاجا" لجميع منتجات النحاله مثل اعسل والشمع والبروبلس الخ
الطبع شرس
الحجم صغير
اللون اسود
النحل الايطالى ويعتبر من النواع الجيده جدا" ويفضل فى التربيه ولاكن يعيب عليه قلة العسل
الطبع هادى جدا"
الحجم متوسط
اللون رمادى ساده
النحل الكرنيولى ويعتبر من الانواع الممتازة جدا" فى التربيه ويفضل تربيته لانتاجيته اعاليه
الطبع هادى
الحجم متوسط
اللون رمادى فاتح بعضحلقات البطن والبعض الاخر اسمر فاتح
النحل الهجين اول وهذا النوع يعتبر خليط بين الكرنيولى والايطالى ويفضل تربيه الاجيال الاولى فقط ويعتبر ذا انتاجيه عاليه جدا" فى العسل ولاكن يعيب عليه عدم احكام الغالق بالشمع على برويز العسل مما يسبب الى سيلان العسل من البراويز اثناء الفحص
الطبع هادى فى فطرات كثيره ما عدى اوفات الظهيره
الحجم متوسط
اللون اسفر بعض الحلقات والبعض الاخر رمادى
وهناك هجين ثانى وده يعتبر الجيل الثانى من الاهجين الاول
النحل الهندى وهذا النوع يعتبر من اصعب الانواع على الاطلاق
الطبع شرس جدا" جدا" وصعب التربيه لاذالك لايصلح للتربيه
الحجم كبير
اللون بصراحه مش فاكر لانى مش ربيته عندى ولاكن الانواع الى فاتت كلها اشتغلت فيها فى المنحل الخاص يى
يعنى موضوع النحل بيكون شرس ونحل هادى او بيهاجم والتانى مش بيهاجم ده راجع لنوع النحل
معلومه مهمه جدا"
على فكره لو خفتى من النحل هيهجمك بشكلا شرس جدا" لان الانسان بيخرج هرمون لكل انفعال فالنحل بيشم رائحه هذا الهرمون والذى يخرج من مسام الجسم وبالتالى حتى لو كان النحل ده هادى سوف يهاجم على الشخص اذا افرذ هرمون الخوف يعنى لو شفتى نحله متخفيش خلص منها وهيا مش هتقرصك
الشى التانى لو الشخص واضع برفان يعنى متريح طبعا" النحل هيمسكه يفترسه حتى لو كان من الانواع هادئة الطباع
بخصوص السؤال الثالث النحل بيعيش فى الغابة فى تجمعات صغيرة مش كبيرة
الخليه دى مش ينفع يعيش فيها اكثر من ملكه واحد والنحل ده بيعمل حاجه اسمها بيوت ملكيه يعنى بيضه ملكه وبيتم تربيتها بشكل خاص ومعامله خاصه ونظام غذائى مختلف عن باقى البيض الاخر بس المشكله ان الملكه بتعمل اكثر من بيت ملكى قد يصل الى 20 بيت وكل ملكه تخرج لازم تاخد شويه نحل معها وهى خرجه من الخليه ويعملو خليه اخرى غير الاصليه لاذالط تلاقى النحل بيكون كوش صغيره لانه بيتفتت كل مجموعه بتروح مع ملكه
علشان كده واحنا بنفحص النحل بنشيل البيوت الملكيه ونقضى عليها علشان نحافظ على قوة الخليه
واسف جدا" جدا" على التطويل بس حبيت اوضحلك اكثر لانها اشياء متعلقه ببعض والمرة الى جايه هشرحلك باختصار شديد جدا" واسف مرة اخرى
وانا فى انتظار اى استفسار فى اى وقت
تقبلى منى كل التحيه والتقدير