لعنة الصينى الجهاز ميت مع وجود صفارة

[احمد ع العاطى]

اخوانى دخل الى الورشة اليوم جهاز جولد سكاى 20 صينى موديل GST 2156PF الجهاز ميت ولاكن بة صفارة
مثل صفارة الافو الديجيتال ولاكن الفولت على المكثف الكبير 315 وخرج ما بعد التشوبر فولتات سليمة وترانزستور البور 2498 سليم وال c3807سليم والهوروزينتال سليم بصراحة الجهاز محيرنى شويتين ارجو الحل وبسرعة لو تكرمتم

[محمد الصياد]

اخى احمد قم باستبدال مكثف البور الكبير 400 فولت باخر جديد لانة عمل معى نفس العطل وكان صوت الصفارة خارج منة مع مراعاة تغيير الفوتو كبلر ومتابع معاك حبيبى

[احمد ع العاطى]

تحياتى لك اخى محمد الصياد الفوتو كبلر ومكثف البور سلام ولاكن سأقوم بتغييرهم تحياتى لك

[الطحانe]

مشكور اخى محمد الصياد على متابعتك وارجو التاكد من سلامة اللاين لانة ممكن يعمل كدة واللة يا جماعة الاجهزة الصينى دى فى حاجات غريبة جدا بس فى النهاية بتكون تافة بالتوفيق

[أبو محمد الريس]

يامهندس العطل واضح ترانزستور الاين هوا الى بيعمل الصفارة دى غيرة بدون قياس

[محمد الصياد]

يا اخى محمد الراجل بيقول الهورزينتال والترانزيستور سليم ؟ قلت قبل سابق الرجاء التحقق من قراءة المشاركة

[المهدى93]

والله يا جماعه انا برجح راى اخى الطحان ممكن يكون اللين فعلا
وياريت الاخ احمد يقولنا الفولت على كولكتور بور الهورزنت كام
وياترا الفتيله مضاءه ولا لا

[أبو محمد الريس]

هنا فعلا االرد فى مكان واحد ترانزستور الهوريزونتل سليم فالصرخة من الاين لم ننىء:mohndsen ببعيد عن العطل أخى العزيز الصياد وبارك الله فى أحبتنا الطحان وفى الاخوة المشاركين لحل لغز عطل لزميل لنا نحبة فى الله وبارك الله فيكم جميعا

[الطحانe]

ما احلى هذة المناقشات التى اتمنى ان تكون بكل محبة وود واخلاص من الجميع فالكل يعمل فى صالح الكل ونحمد اللة على وجودنا كلنا فى مكان واحد يعنى ورشة صيانة واحدة فيها الكل بيفكرو مع بعض والافادة للجميع تمنياتى للجميع بالتوفيق

[احمد ع العاطى]

تحياتى لكم جميعا وشكرا لكل من قام بالرد وتحياتى لاخى محمد الصياد الفوتو كابلر على الشاسية بيدينى قرائة صح ولاكن ذيادة تأكيد قمت برفعة وقياسة طلع مش سليم ولاكن الجهاز هنا بعد كل المعاناة هوا هوا العيب
طبعا دة بالامانة حاجة غريبة ثم بعد ذالك قلت اخر حاجة يمكن تطلع صح لان الجهاز خد وقت كبير قمت بفصل ............................................
الدفلكشن الجهاز منع صفارة وعطانى بالصة التشغيل قمت بتغيير الدفلكشن والجهاز يعمل 100/100
بارك اللة فيكم اخوانى للرد والمتابعة

[الطحانe]

بارك اللة فيك اخى لمتابعتك لموضوعك والفائدة للجميع وهو دة الصينى يا جماعة فية حاجات غريبة لازم ناخد بالنا من كل حاجة فية واعطالة صيانتها بتكون غريبة وتافهة تمنياتى بالتوفيق للجميع

[احمد ع العاطى]

اخوانى الصينى اعطالة وطرق اصلاحة تختلف اختلاف كلي عن باقى الاجهزة مثلا الصورة بترحل على الار اف دة من الطبيعى ان التراب بتاع الاى اف عايز ظبط فى اى جهاز ولا كن فى الصينى مكثف بدائرة البور لجهاز اريون 21 بوصة 470/50 تحياتى لكم جميعا

[احمد سمير]

المشاركة الأصلية كتبت بواسطة eh 2010

تحياتى لكم جميعا وشكرا لكل من قام بالرد وتحياتى لاخى محمد الصياد الفوتو كابلر على الشاسية بيدينى قرائة صح ولاكن ذيادة تأكيد قمت برفعة وقياسة طلع مش سليم ولاكن الجهاز هنا بعد كل المعاناة هوا هوا العيب
طبعا دة بالامانة حاجة غريبة ثم بعد ذالك قلت اخر حاجة يمكن تطلع صح لان الجهاز خد وقت كبير قمت بفصل ............................................
الدفلكشن الجهاز منع صفارة وعطانى بالصة التشغيل قمت بتغيير الدفلكشن والجهاز يعمل 100/100
بارك اللة فيكم اخوانى للرد والمتابعة

تسلم حبيبى أحمد للرد والمتابعه

وبالتأكيد رد الأخ ( الطحان ) فيه كثيرا من الحل

لأن من وظيفة اليوك ( الدفليكشن ) تكمله لعمل اللاين

شكرا لكم اخوانى للردود والمتابعات الهايله والجميله

وبارك الله فيكم

[الطحانe]

المشاركة الأصلية كتبت بواسطة احمد سمير

تسلم حبيبى أحمد للرد والمتابعه

حمداللة على السلامة يا عبقرى المنتدى وبلاش الغياب

[احمد ع العاطى]

بشمهندس احمد سمير انا سائل عليك واللة ولاكن لا اعرف سبب الغياب وحمدللة على السلامة تحياتى لك