الساده الاعضاء و زوار منتديات المهندسين العرب الكرام ,
, مشاهده القنوات الفضائيه بدون كارت مخالف للقوانين والمنتدى للغرض التعليمى فقط
 |
|
|
|
|||||||
 |
|
|
أدوات الموضوع | انواع عرض الموضوع |
30/8/2008, 02:20 PM
|
رقم المشاركة : ( 16 ) | ||||
|
مـهـند س مـحـتـرف
|
رد: بيرم التونســـــــــــــــــــــى
بدنجان
يا شرق فيك جو منور والفكر ضلام وفيك حراره يا خساره وبرود اجسام فيك تسعميت مليون زلمه لكن اغنام لا بالمسيح عرفوا مقامهم ولا بالاسلام هي الشموس بتخلي الروس كدا هو بدنجان ................................ |
||||
|
|
30/8/2008, 02:21 PM
|
رقم المشاركة : ( 17 ) | ||||
|
مـهـند س مـحـتـرف
|
رد: بيرم التونســـــــــــــــــــــى
سيد درويش من بعد موته بعام طلعت لنا أقوام حطّوا عليه مَكَدام و قالوا فنُّه قديم * * * قديم و سوقه بار و شغل طبله و طار و شبعانين أدوار و شبعانين تقسيم * * * هُوَّ القديم يا قوم يقدم في ليلة و يوم هو بصل أم توم و لاَّ بلح إبريم * * * ده فنه لو ينزاع و ف تسجيلات يتباع لتصبحوا صياع ما تكسبوش مليم * * * أنا عشقت بكام ؟ و نا هويت يا سلام و منيتي دي غرام أروح معاها غريم * * * هو العظيم يا ناس في أرضكم ينداس و التافه الهلاَّس نشبعه تكريم ؟ * * * قولوا تخمنا السوق حتى صبح مخنوق بفننا المسروق من إرث كل يتيم |
||||
|
|
|
30/8/2008, 02:22 PM
|
رقم المشاركة : ( 18 ) | ||||
|
مـهـند س مـحـتـرف
|
رد: بيرم التونســـــــــــــــــــــى
جهل .. فقر .. مرض الجهل قال للصنايعي : إخلف المواعيد و قول لهم بعد بكره , و بعد بكره.. عيد واحلف لهم بالطلاق , إن القديم دا جديد تفوت عليه السنه , يقعد يِنِشّ و حيد و يبتدي الفقر , و الأمراض , و التشريد في مره يسرح بقُفَّه : يا حمش و يا لذيذ و يوم يبيع يانصيب إن كان صنعه تفيد و يوم في عركه العساكر يسحبوه في حديد و لما ينصاب براجعه أو بتيفوئيد تقول أُمه : دي عين حطت عليك يا بعيد |
||||
|
|
|
30/8/2008, 02:23 PM
|
رقم المشاركة : ( 19 ) | ||||
|
مـهـند س مـحـتـرف
|
رد: بيرم التونســـــــــــــــــــــى
رأس المال جبان يفزع و يتخبىَّ إذا هَبَّ النسيم حبَّه و لما تعصف الأرياح يخلي حبته قُبَّه * * * و لما يقولوا دي مظاهره بريئة من بنات طاهرة بنوك القطر و القاهره تحط القفل و الضبه * * * و لو عيل بزماره نفخ في أيها حاره يقول الليلة فيه غاره و أنا اللي حاكل الضربه * * * . . . . . يا رأس المال يا متدلِّلْ عايز لك للسكن منزل فراشه ورد و قرنفل و روضة فيها تتربَّى بخمسين قرش بخمسين قرش ترفع ميكرفونك لوش الفجر , و زيادة شويه و خمسين قرش , توضع نص درهم في جيب خصمك و ترميه في بليِّه و خمسين قرش , تنهب أجزخانه من المستشفيات القاهرية و خمسين قرش , يعفيك المفتّش من الغرامات , و يشطب لك قضيه و خمسين قرش , تتبدّل محاضر بتهمه عليك و تتحوّل عليه و خمسين قرش , شيخ حارتك يخلِّي ولادك , يهربوا من العسكريه و خمسين قرش , محفظتك تعود لك من النشال بالوسطه القويه و خمسين قرش أكتب لك مقاله بأنك من رجال العبقريه * * * * * * |
||||
|
|
|
30/8/2008, 02:24 PM
|
رقم المشاركة : ( 20 ) | ||||
|
مـهـند س مـحـتـرف
|
رد: بيرم التونســـــــــــــــــــــى
22/02/1922 - تصريح بريطاني بمقتضاه أصبحت مصر ملكية و أصبح السلطان فؤاد ملكاً على مصر
رسالة من منفاه في تونس تهنئة يقول فيها و لما عَدمْنا بمصر الملوك جابوك لانجليز يا فؤاد قَعَّدُوك تمثِّل على العرش دُور الملوك لا مصر استقلِّت و لا يحزنون غنّى عدلي فخري- بخمسين قرش و التهنئة- في حفلات برلين الغربية عام 1974 التهنئة جرى لها تعديل في البيت الثاني= جابوك لامريكان يا سادات قَعَّدوك- الأوله آه الأوله آه و التانيه آه و التالته آه الأوله مصر . و ف مصر قالوا تونسي و نفوني جزات الخير و إحساني و التانيه تونس . و فيها الأهل جحدوني و حق الغير ما وافاني و التالته باريس . و ف باريس جهلوني و أنا موليير في زماني الأولى أشتكيها للي أجرى النيل و التانيه لطَّشْتْ فيها ممتثل و ذليل و التالته دمعي عليها غرَّق الباستيل ...................................... |
||||
|
|
|
30/8/2008, 02:25 PM
|
رقم المشاركة : ( 21 ) | ||||
|
مـهـند س مـحـتـرف
|
رد: بيرم التونســـــــــــــــــــــى
توت عنخ آمون - بيرم التونسي
من عهد ما كتفوك في القبر يا فرعون داست بلادك مِلل من كل شكل ولون وخلصوا منا تار موسى وتار هارون وبعد جور الزمن واللي جرى فينا ظهرت لما بقى لك في المنامة قرون . مش عيب عليك تستخبى نص مليون حول وكل من جاك بلادك يسأل أبو الهول لا يبوح بسرك لا بمشاورة ولا بالقول وجا الزمان اللي بيلاقوا المناجم فيه عتر عليك لورد بيفتش على بترول . في مصر كنت الملك لك جيش ولك حاميه في دولة غير دولتك ما تتعمل موميا وأمة غير أمتك ما تزرع الباميا ولما خشوا عليك المقبرة يلاقوك نايم مفتح ولكن.. في بلد عامية .................................... في كل عام للورد اوان.............. الا النسوان بقدرتك نابتين الوان ............. ابيض و احمر وانت اللي تعلم وان اجهل ............ فيه ايه اجمل من دي الخدود اللي لا تدبل ............... ولا تتغير ودي العيون اللي اشهد لك ................. بها و اسجد لك دي خلت الطاغي انقاد لك ................ والمتكبر والشفتين اللي فالقهم ................ كنت خالقهم للابتسام و لا لازقهم ................ دانت تحير بذمتي انت اللي جاذبني................ يا معذبني و ياللي ذوقك يعجبني ................... لما تصور لك صنعه في العين و الحاجب .................. بيها تتعاجب وتقول وجود الله واجب .................... مين بيه يكفر ولك قوالب للاجسام .....................غلب الرسام يقلدك بحجر و رخام ...................... يلقاك اشطر يا ست يام زناق محبوك .................. وقميص مفكوك حطي على القلب المشبوك .................. ايدك يعمر ويام نص ملايه حرير........................و النص يطير على الكتاف انا عقلي صغير ..................غطى المرمر ..... وياللي ساقـك يسوى رقاب .....................حارت الباب في لون حقيقته ان كان بشراب ...................و لا مقـشر و ياللي خصرك له حركات ...................... تقفل شركات ويضج منها داوود بركات ........................ لما يحرر وياللي لابسه لي جوانتي.................... اربعه سنتى على ايه خفيتي و بينتي ................... في اللي ما يظهر و ياللي بالدراعات تمشي .................. و لا تحتشمي متشمره لي وما اقدرشي ....................... عالمتشمر و يام شمسيه عايقه .................. على فين سايقه يا مركبه الورده اللايقه ................... ع المتشــــجر هواكي الياسمين هافف ........................ و حلق رافف يصافح العقد اللافف..................... على دى المنحر يا مسلمين الله يا حريم .................. انا مالي غريم غيركم اروح وياه في جحيم ................... يوم المحشر الدنيا و النسوان خلاص..................... و الراجل لاص لا طبله تـنفع و لا بلاص ............... لو يتكسر ........................................... |
||||
|
|
|
30/8/2008, 02:26 PM
|
رقم المشاركة : ( 22 ) | ||||
|
مـهـند س مـحـتـرف
|
رد: بيرم التونســـــــــــــــــــــى
بينصرف له كل عام كذا وكذا
لأنه قال حافظ كذا وحافظ كذا وعشان كمان لابس كذا ولابس كذا وإيه نايبنا من كذا ولا كذا وإيه يفيدنا "أحرَنجما" أجلوّذا ومن، وفى، وعن، ولم، وهكذا *** حرير وجوخ وسيارات وهندزا بعضهم جارسونيرات وفنطزة ياريته كان فران وفاتح مخبزاَ ينفع عباد الله بَدَل هذا القَذَى *** ويجرى ايه إذا انزفت ولا إذا ياحبذا لو أُجرتُـه ، ياحبذا ندفعها للأيتام بدل كسوة وغِذِا كلام ثِقيل يتقال ولا مؤاخذة *** اقطعوا ايد الحرامى .. بس نوبه .. واحبسونى ون سرق واحد طماطه .. ولاطوبه .. اشنقونى الحرامى لما يسمع .. بالساطور ..يفزع ويرجع يشتغل و يكون عصامى اقطعوا ايد الحرامى الحرامى تتركوه ..يسرق و يهرب ..فى الحوارى أو بصدفه تحبسوه ..ياكل ويشرب ..سم هارى من جيوبنا او دمانا اللى فايضه من الخزانه و يحامى اللة المحامى .. اقطعو ا ايد الحرامى عندكم يا مسلمين .. احسن شريعه ..طبقوها حا تقول الافرنج دى احكام فظيعه ..ما يقولوها اللى يسكن فى وادينا ..يرضى بالجارى علينا انجليزى او سيامى اقطعوا ايد الحرامى 000000000000000000000000 |
||||
|
|
|
30/8/2008, 02:28 PM
|
رقم المشاركة : ( 23 ) | ||||
|
مـهـند س مـحـتـرف
|
رد: بيرم التونســـــــــــــــــــــى
ال
عيون
من العيون يا سلام سلم___شوف وأتعلم تحت البراقع تتكلم____والدنيا نهار ---------------------------------- عيون تقولك أنا عارفاك___والنبى ما انساك من يوم ما شفتك م الشباك___يا جدع يا صغار --------------------------------- وعيون تقولك قصدك ايه___بتبحلق ليه مالكش شغل تعس عليه___يا راجل يا حمار -------------------------------- وعيون تقولك بالمحسوس___انا عاوزة فلوس وان شالله حتى تحوس وتدوس___انا عاملاه كار ------------------------------ وعيون تقولك امشى يا واد___انا ام ولاد وعيون تقولك عندى ميعاد___ويا السمسار ----------------------------- وعيون تسبل فوق الخد___دى جد ف جد وعمرها ما تكلم حد____عيون احرار --------------------------- وعيون تحقق فيها بشوق___تهرب على فوق بتقولك ابعد عنى بذوق___نظراتك نار -------------------------- وعيون ما تعرف زعلانه___او فرحانه صباح مسا أهى سهتانه___صاحبة أفكار عشان ما يبقى مقامنا قبل كل مقام ستاتنا تمضغ لبانة فى الطريق العام ويحركوا شفتين متلحوسين بأدام والكحل ده كل عين متكحله بجرام واللبس نايلون فى نايلون من شراب لحزام البمب فوضى بيعدم فى النفوس اعدام والست وياه تترقع ترقعه بنظام فى الموسكى والصاغه تتمخطر كده يا سلام لما الخواجه باسيلى يقولها يا مدام عطشان يا صبايا____عطشان يا مصريين عطشان والنيل فى بلادكم___متعكر مليان طين ولا نهر الرون يروينى___ولا مية نهر السين شده وتزول يا معوض___سبحانه رب معين دى تلات حكومات يا خوانا___ظلمونى واشكى لمين زغروته يام سدحمد____زغروته يام ياسين راجع اتوضى واصلى__وازور سيدنا الحسين وابوس ايد الشيخ بلبع__وايد الباشا التخين واقول سلامات يا خليفة___ولشعبان طيبين واتوب على سيدى لاظوغلى__عن كار الجرانين واتجوز بنت الماشطه___والكوديه ام اسماعين اياك يتعدل بختى___واخدم فى الدواوين والبس لى سموكن مقصب___وابقى البيه التخين غيرشى جعلوا التخشيبه___للغلبان الفطين يخرج منها ويتسوح___من مرسيليا للصين دا جازاة الخايب اللى___يعشق بنت التسعين شايف من تحت البرقع___أهدابها مرعرعين ماحسبش حنكها مطبق___وسنانها مهرتمين والفم المحمودية____والراس دى راس التين وتحب كمان وترافق___اهل الدنيا والدين ولا تطرد بياع رنجه___ولا بياع الفلين وولادها اسم الله عليهم___يتعدوا بالملايين رجاله صنايعية___بايعين وشاريين واحد تاجر طعميه ___والتانى بتاع مصارين واللى يبيع جوافه___واللى يبيع سردين وواحد كمسارى افرنجى___قاعد فى وابور طحين واتنين سارحين بكلونيا___وفانلات معتبرين والحاج محمد برعى___له فابريكة كوانين وأخوه له معمل طرشى__مشهور فى الكعكيين والكل يزيد ويبارك____قاعدين متصنعين ما ينوب الواحد منهم ___غير قفل الدكاكين يا رازق جيش الازهر___اياك نستعين يا برايز يام بلاد بره__يا مربيه لامرتين بعتت لك ام الدنيا___شاعر فى الشعر متين يعمل اشعار لبرابره___وصعايده وفلاحين وتلامذة وأزهرية____وخوجات ومفتشين اياك ما يموتش عندك___فى أزيل المساكين |
||||
|
|
|
30/8/2008, 02:28 PM
|
رقم المشاركة : ( 24 ) | ||||
|
مـهـند س مـحـتـرف
|
رد: بيرم التونســـــــــــــــــــــى
فى كل عام للورد آوان___ألا النسوان بقدرتك نابتين ألوان___ابيض واحمر وانت اللى تعلم ونا أجهل___فيه ايه اجمل؟ من دى الخدود اللى لا تدبل___ولا تتغير ودى العيون الى اشهد لك___بيها واسجد لك دى خلت الطاغى انقاد لك___والمتكبر والشفتين اللى فالقهم____كنت خالقهم للأبتسام ولا رازقهم_____دانت تحير العبد يعشق بالقوة____عشق لجوه كمان جهنم؟ايه هوه___محناش معشر بذمتى انت اللى جاذبنى__يا معذبنى وياللى ذوقك يعجبنى____لما تصور لك صنعه فى العين والحاجب__بيها تتعاجب وتقول وجود الله واجب____مين بيه يكفر ولك قوالب فى الاجسام__غلب الرسام ويقلدك بحجر ورخام___يلقاك أشطر يا ست يام زناق محبوك__وقميص مفكوك حطى ع القلب المشبوك__ايدك يعمر ويا ام نص ملايه حرير__والنص يطير ع الكتاف انا عقلى صغير__غطى المرمر وياللى ساقك يسوى رقاب__حارت للباب فى لون حقيقته ان كان بشراب__ولا مقشر وياللى خصرك له حركات___تقفل شركات ويضج منها داوود بركات___لما تحرر فوقه الحزام متشعبط فيه__النبى شديه لتحت همسه يا روحى خليه__يبقى محرر وياللى خايفه الفرق يميل_قامطه المنديل طيب وصدرك بالهلاهيل__ليه متحشر وياللى لابسالى جوانتى__اربعه سانتى فى ايه خفيتى وبينتى___للى ما يظهر وياللى بالدراعات تمشى__ولا تسألشى متشمرالى ومقدرشى___علمتشمر ويا ام شمسية يا عايقة__على فين سايقه يا مرشقة الوردة اللايقة__عالمتشجر هواكى بالياسمين هافف__وحلق رافف يصافح العقد اللافف___على دى المنحر يا مسلمين لله يا حريم__انا مالى غريم غيركم اروح وياه فى جحيم__يوم المحشر الدنيا والنسوان وخلاص__والراجل لاص لا طبله ينفع ولا بلاص___لو يتكسر عليه قفا عايز الخيه___وخلقه رديه وجتته المشعرانيه___حاجه تقشعر ولا الشنب والدقن يا هوه__مهما حلقوه باين وعايز لعن ابوه____برضك أخضر |
||||
|
|
|
2/9/2008, 06:23 AM
|
رقم المشاركة : ( 25 ) | ||||
|
صديق المهندسين
|
رد: بيرم التونســـــــــــــــــــــى
 اخى الكريم مازلت اعانى عجزى عن شكرك علمتنى كثير باختيارتك هذه ما لم اتعلمه فى وقت اخر امزجت لنا خيره الشعراء باسهل لهجه واطيب عاميه وهى العاميه المصريه يفهمها ويتفهمها كل من نطق العربيه الفصحى لا تحتاج الى مترجما او حتى تبسيط فما ابسطها وجئت انتا وسردت سردك وعممتنا بذوقك والهمتنا بسجعك وشرفتنا بنظمك واخترت بقلبك وصدقت وصدقت مشاعرك دمت لنا اخا فى الله انى احبك فى الله .gif) ارجو منك ان تتقبل تحياتى ومرورى .gif) كل عام وحضـــــرتك بألـــــف خـــــير |
||||
|
|
|||||
|
|
|
4/9/2008, 06:03 AM
|
رقم المشاركة : ( 26 ) | ||||
|
كبار الشخصيات
|
رد: بيرم التونســـــــــــــــــــــى
يـاريـت حــبـايـنـا,,,,,يـنـولـوا مــــا نـلـنا
يــارب تــوعــدهـم,,,,,يــارب واقــبــلـنـا دعـــانـى لـبـيـتـه,,,,,لـحـد بــاب بـيـتــه ولــمــا تـجـلالـى,,,,,بالــدمـع نــاجــتــه أحسنت والله وأحسن شاعرك .gif)
|
||||
|
|
|||||
|
|
|
7/9/2008, 06:33 AM
|
رقم المشاركة : ( 27 ) | ||||
|
نـجـم الـنجوم الـمـميز بـالـمهندسين الـعرب
|
رد: بيرم التونســـــــــــــــــــــى
 
|
||||
|
|
|
7/9/2008, 01:52 PM
|
رقم المشاركة : ( 28 ) | ||||
|
مـهـند س مـحـتـرف
|
رد: بيرم التونســـــــــــــــــــــى
مشكووووووووور اخى هشام الشاعر غمرنى احساسك الدافىء تقبل تحياتى وشكرا على مرورك الكريم
|
||||
|
|
|
11/10/2008, 11:26 PM
|
رقم المشاركة : ( 29 ) | |||
|
بـاشـمهندس
|
رد: بيرم التونســـــــــــــــــــــى
الف الف الف شكر يا غالى
|
|||
|
|
|
29/10/2008, 05:28 PM
|
رقم المشاركة : ( 30 ) | ||||
|
مـهـند س مـحـتـرف
|
رد: بيرم التونســـــــــــــــــــــى
شكرا اخى على المرور الكريم
|
||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض العادي
