أرجو الرد وشرح العيب للأهمية

[محمود شقاوة]

الشاشة بتاعت الجهاز بتبدأ سمرا جدا وتحس انك مش شايف أى حاجة شايف شبه خيال وبعد كده بساعة تقريبا تلاقى الصورة بدأت ترجع الى حالتها الطبيعية
مع العلم انى مدة رجوع الشاشة الى حالتها الطبيعية بتزيد كل يوم عن اللى قبله
تلاقى الصورة بدأت ترجع الى حالتها الطبيعية يبقى دا عيب ايه؟؟؟
مع العلم ان التلفزيون توشيبا 21 بوصة تورنيدو

[حمدى البندى]

اخى محمود
حضرتك طرحت العيب د ة قبل كدة
وانا رديت عليك العيب احتمال تغيير
السوكيت وفية 2 مكثف جنب اللاين
عليك بتغييرهم وسيزول العيب انشاء
الله تعالى

[محمود شقاوة]

أخى حمدى أنا أسف لتكرار الموضوع مرة اخرى ولكن لدى استفسار هل التكلفة لهذه الاشياء ستكون عالية ولا بسيطة
وهل ممكن ايضا أغير المكثفين اللى جمب اللاين الاول قبل ما اغير السوكيت بتاع الشاشة والعيب يتصلح ولا ايه بالظبط
أسف للأطالة أخى
وجزاك الله كل خير على مساعدتى

[حمدى البندى]

اخى محمود
السوكيت تمنة 3 جنية
2مكثف تمنهم 2
العملية مش مكلفة
اخى سامحنى انت لك فى الصيانة
اسف فى السؤال بس عشان اقدر
اعرفك الخطوات المتبعة بالظبظ

[محمود شقاوة]

نعم أخى الكريم أنا ليا فى الصيانة
على فكرة انا فنى فى صيانة الريسفرات
بس الصراحة أول مرة أفتح جهاز التلفزيون ده وأجد هذا العيب
فعشان كده قلت أستعين بأهل الخبرة وأسألكم

[محمود شقاوة]

ممكن أعرف بقى ايه هى الخطوات اللى أقدر اتبعها حتى أنهى على المشكلة بنجاح

[لوركا]

اخى محمود
فى البدايه النصيحه التوجه لفنى حتى لاتخسر الجهاز
وايضا اليك الشرح للعلم
الصوره توضح الجزء المطلوب تغييره
هااام
اخلع السوكيت من الشاشه برفق حتى لاتكسرها
لان الجزء الذى يركب عليه السوكيت
هو اضعف جزء فى الشاشه
ومهم جدا خلع السوكيت ولا تسخن على اطرافه وهو راكب مكانه حتى لاتفقد الشاشه
وبالمكواه ارفع السوكيت وغيره
وركب ايضا برفق
وان شاء الله الجهاز يشتغل
والجميع متابع معك

مرفق صورة السكويت لو لم تظهر عندك الصور

[IMG][/IMG]

[محمود شقاوة]

شكرا لك أخى حمدى وأخى لوركا على المساعدة
بس هو فى سؤال بسيط وهو
ما هو اهمية هذا السوكت بالنسبة للشاشة

[حمدى البندى]

المشاركة الأصلية كتبت بواسطة محمود شقاوة

شكرا لك أخى حمدى وأخى لوركا على المساعدة
بس هو فى سؤال بسيط وهو
ما هو اهمية هذا السوكت بالنسبة للشاشة

اخى محمود السوكيت ممكن تكون مقاومة الفوكس وحشة او شورط
بالسوكيت فتعمل العيب الذى ذكرتة
وطالما اخى محمود اول مرة تفك جهاز فممكن زور الشاشة ينكسر
منك وانت بتغير السوكيت فعليك بفنى صيانة تلفزيون اكيد طالما انت
فنى ريسيفر اكيد تعرف فنيين كتير لصيانة التلفزيون ممكن يعمل العيب
قدامك وانت بعد كدة حتعرف وهذا خوفا عليك وعلى التلفزيون
ولك كل تقديرى اخى محمود واذا احتجت اى شىء بالنسبة للصيانة
فانا وغيرى بالقسم سيرد عليك ويوافيك بما تريد

[محمود شقاوة]

جزاكم الله خيرا اخوانى وان شاء الله بعد ما أحل المشكلة وأصلح العيب سأوافيكم بالنتيجة
وجزاكم الله كل خير

[حمدى البندى]

المشاركة الأصلية كتبت بواسطة محمود شقاوة

جزاكم الله خيرا اخوانى وان شاء الله بعد ما أحل المشكلة وأصلح العيب سأوافيكم بالنتيجة
وجزاكم الله كل خير

واحنا بانتظار ردك اخى محمود
وانشاء الله يكون بالخير وانا انشاء الله متابع معاك

[netatfeifuqw]

משחקי מרוצים
very nice - thanks




משחקי מכוניות | משחקים | משחקים | משחקים מגניבים

[محمود شقاوة]

أخى حمدى أنا فكيت السوكت والحمد لله بطريقة صحيحة وكما قلت بس فى سؤال بسيط وهو
انه كان فى سلك لونه احمر وهو كان ماسك فى السوكيت وبعدين وأنا بنوع السوكت لقيته ساب ودلوقتى عايز أعرف هل السلك دا بيدخل كبس فى السوكت ولا يجب اعادة اللحام فى السوكت
علما بأن هذا السلك خارج من اللاين الى السوكت

[حمدى البندى]

المشاركة الأصلية كتبت بواسطة محمود شقاوة

أخى حمدى أنا فكيت السوكت والحمد لله بطريقة صحيحة وكما قلت بس فى سؤال بسيط وهو
انه كان فى سلك لونه احمر وهو كان ماسك فى السوكيت وبعدين وأنا بنوع السوكت لقيته ساب ودلوقتى عايز أعرف هل السلك دا بيدخل كبس فى السوكت ولا يجب اعادة اللحام فى السوكت
علما بأن هذا السلك خارج من اللاين الى السوكت

اخى محمود / ركب السوكيت الجديد مكان التانى بالظبط
وعيد علية لحمات والسلك الاحمر بتاع الفوكس ركبة مكان مانزعتة
فى السوكيت الجديد فية غطاء على السلك الاحمر فى السوكيت
بكلبس ممكن يكون لحام او كبس وحاول وانشاء اللة متابع معاك
وسوف ارسل لك صور ة سوكيت حتى تكون مطمئن وياعم محمود
قولى مكانك فين وانا اجيلك اعملولك لانى حاسس انك فعلا زهقت
من القصة دى وانا مبسوط منك جدا جدا لانك متمسك انك تعملة
بنفسك وربنا يعينك