تعالو معى نتعرف سويا على شرح جميع اعطال الهيروشيما والحل من هنا بازن اللة

[زكريا شوشة]

السلام عليكم ورحمة الله وبركاتة
اخوانى الكرام
تعالو نتعرف مع بعض على
اهم اعطال الهيروشيما

اولا الجهاز عامل لمبة حمراء وخضراء
اول شئ عليك عملة هو
قم بغلق الجهاز من الباور الخلفى ثم اضغط على الباور الامامى للجهاز
وقم بغتح الزر الخلفى للجهاز وانت ضاغط على الباور الامامى
ازا كتب الجهاز بوت كدة يكون الموضوع سهل حلة بدون صيانة
عليك بتحميل سوفت للجهاز من على وضع البوت
ولازم تخلى بالك ان السوفت بياخد وقت طويل اطول من السوفت العادى
طيب واحد هيقولى السوفت بيحمل لحد 90 % مثلا وبيقف
اقول لك عادى جدا
لانة بيوصل لحد هزة المرحلة ويقف بس بيكون جايب شرط على شاشة الجهاز بتتحرك بشك جميل كدة لا تقلق

سيب الجهاز برحتة يعمل اللى عايز يعملة
المهم انو فى الاخر هيكتب اند
قم بغلق الجهاز من الباور الخلفى واعد تشغيلة واعمل ضبط مصنع

وابحث القنوات وان شاء الله هيشتغل تمام

اما فى حالة عدم كتابة الجهاز بوت
كل ما عليك عمل الاتى
اول شئ يتم النظر الية هى دائرة البور
والتاكد من سلامة المكثفات 1000 على 16 وايضا 470 على 16 ويستحسن تغييرهم
ازا فضل العيب مستمر
يجب التاكد من دخول 3.3 فولت على الريجليتور
وخروج منة 1.7 فولت
فى حالة عدم خروج 1.7 فولت عليك بتغيير الريجليتور باخر
وان لم تجدة يمكنك التعديل بعدد 2 سليكون واحد امبير
والطريقة والشرح من هنا للاستاز محمد فؤاد

http://www.mohandsen.com/vb/showthread.php?t=288812

طيب نفترض اننا غيرنا الريجليتور او عدلناة
ولا يوجد خرج ال 1.7 فولت او يكون اقل من زلك او الفولت مكتوم
يوجد مكثف اللصق بجوار البروسيسور ورقمة على البوردة c26
عليك برفع هزا المكثف من مكانة
نفترض بعد رفع هزا المكثف استمرار هزا العيب
الحل والعطل يكون فى البروسيسور وعليك القيام بتغييرة

طيب ازا وجد ان الفولت الخارج من الريجليتور 1.7 فولت
ولسة الجهاز عامل لمبة حمرة وخضرة ولا يعمل الجهاز
كل ما عليك عمل الاتى
اعادة اللحام والتسخين بالهوت اير على كل من
الرامة والبروسيسور والكرستالة بتاع الالوان او تغييرها

عيب اعطال الاشارة
عليك التاكد من سلامة Lm 317
وقياس الفولتات علية ازا لم تكن موجودة علية فولتات لابد من تغييرة

نفترق القياس سليم ويوجد علية الفولتات
عليك باعادة اللحام علية
وتقوم بغلق البفة الصفراء
ولو استمر العيب عليك بتغيير ايسى الاشارة
وان لم تحل المشكلة يكون العيب والعطل فى التيونر او البروسيسور


عطل تكسير الصورة والاشارة
يتم تغيير المكثف الكبير بدائرة البور واعادة اللحام على الرامة

اعطال الجهاز فى البحث عن ترددات ولا يبحث ترددات اخرى
اولا عليك التاكد من سلامة الترانزستورات الفلات بجوار Lm 317 وعددهم 5 من الممكن يكون احدهم فية شورت عليك بتغيير التالف منهم
ولو تم قياسهم وكانو تمام
يوجد مكثف عليك بغلقة يعنى توصل مقاومة 100 اوم بين اطرافة
ومرفق صورة موضحة مكان المكثف


اعطال الصوت
لو الصوت قاطع او ضعيف او بة وش
يوجد عدد 2 ايسى عليك بتغييرهم واحد اولا وتجرب
استمر العيب غير التانى
وفى صورة موضحة مكان الايسهات


عطل الرسيفر فى التقليب لوحدة مع عدم استجابتة للريموت
يجب تغيير الايسى الموجود بالفرونت بانل
وازا استمر العيب يكون العطل فى البروسيسور

ومرفق الصور توضح كل هزا الكلام وتم الاستعانة ببعض الصور لتوضيح الشرح
ارجو ان اكون قدرت اوصل ليكم المعلومات دى

تقبلو تحياتى