ارجو المساعده من خبراء القسم مشكله فى كارت kworld

[Cute Fox]

مشكله فى كارت ستاليت اسمه kworld المشكله ان الكارت مش عايز يجيب اشاره خالص مع العلم ان الكارت لسه جديد والكمبيوتر جديد والطبق والسلك كله جديد فى جديد وجربت الطبق والسلك على ريسيفر وشغال تمام مفيش اى مشكله لكن على الكارت مفيش اشاره خالص جربت البرنامج اللى نازل مع الكارت فى اسطوانة التعريف اسمه هايبر مديا مش شغال وجربت على برنامج البروج دفى برضو مفيش اشاره مش عارف المشكله فين غيرت الكارت من المحل اللى اشتريته منه ادانى نفس النوع بس كارت جديد غيره برضو نفس القصه مع العلم انى متاكد من الاعدادات صح مشكله بقالى اسبوع محتار فيها ارجو المساعده من اهل الخبره ولكم جزيل الشكر

[m_fresh]

أخى العزيز السلام عليكم ورحمة الله وبركاته

هذا نفس ما حدث معى وقمت بتغير الكارت لشكى فى عطل به وكان الشك فى غير محله وطلع كل شيء سليم بس اتبع ما سأوضحة وان شاء الله سيعمل بكفاءة عالية

أولا : قم بإزالة برنامج الكارت والتعرف الخاص به نهائياً من على الكمبيوتر
ثانيا : ادخل على موقع kworld الخاص بالكارت وقم بتحميل آخر اصدارات ال dvb وال driver بشكل سليم.
ثالثا : قم بتنصيب الملفات الجديدة واعمل ريستارت للجهاز وهيشتغل معاك كويس جدا

ملحوظة :
لو حصل أى تهنيج للكارت أو للجهاز وكان شغال مش هيشتغل ويلقط اشارة تانى الا بعد ريستارت للجهاز
خلى بالك من ازالة ملف التنصيب القديم نهائيا ويستحسن استخدام برنامج ازالة كويس

هذا عن تجربة شخصية وجزاك الله عنا كل الخير

[محمود هير]

متابعه رائعه ورأي جيد لان التعريف الجديد بتاريخ 2009 ويعمل علي ويندوز 7 ايضا

[جابرنور]

جزاك اللة خيرا