شرح تركيب شبكة دش مركزى

[m_m_m_m]

المشاركه الاصليه مصطفى محجوب
عندى شبكة فى المنصورة وفيها مكبرات الالكاد 4 خرج
ما هى المكبرات الاقوى والافضل والتى لا تخرج كهرباء مع الصورة
ولكم كل الشكر

[m_m_m_m]

المشاركة الأصلية بواسطة solyman
مكبر التلفاز نعومه في الصورة + خرج ممتاز

كلام مظبوط اخى و لكن هناك انواع كثيره من المكبرات و لكن الاكثر شيوعا فى الاستخدام فى الشبكات فى مصر هو الالكاد و التلفاز و الكارو و المكبرات الترومان و المكبرات السيجنال الصينى و مكبرات الافت لانها مكبرات رخيصة الثمن و عمليه جدا
بالنسبه للمكبرات الالكاد و الالكارو و هناك انواع منهم 2 خرج و اربعه خرج out التى تعمل بها هى مكبرات جميله جدا و لكنها تحتاج الى مسافات كبيره عشان ترمى و ترى صورتها الحقيقيه و بالنسبه لموضوع الكهرباء اللى بيخرج مع الصوره انصحك بالاتى توطى و تقفل volume بتاع التعليه و التوطيه على vhf و كذلك خدها قاعده عامه على جميع مكبرات الشوارع متفتحش volume التعليه و التوطيه على الاخر بتاع uhf لازم يكون volume مقفول هفوه و ليس مفتوح على الاخر و باذن الله ستنتهى المشكله
اخى تلك الكهرباء التى تخرج مع الصوره قد يكون لها عدة اسباب اخرى مثل الاف مشعر او مالص او الاسبيلتر اللى انت موزع منه للجهاز مصدى و غير معدل جيدا او تكون الصوره جيه عاليه للمكبر الالكاد و هو مفتوح على الاخر او يكون الجهاز داخله او خوارجه و سعت او انكسرت و بذلك اما تصلحه او ترميه و تشترى غيره ياريت تراجع الامور ديه و باذن الله ستحل المشكله
بالنسبه للمكبرات البقيه مثل التلفاز و الترومان و الافت وهناك انواع منهم 2خرج و اربعه خرج و 5 خرج out يفضل ان volume التعليه و التوطيه مفتوح الا قليلاعلى المديين uhf و vhf لانه لديه ابعاد فى رمى الصوت و الصوره بتوضح الصوره و بتزيدها نقاء
بالنسبه للمكبرات السيجنال الصينى و هناك انواع منها 2 خرج و اربعه خرج out فهى مكبرات رديئة الصنع و لا ترفع الصوره و لا ترميها مسافات و يمكن ان تستخدمها فى الشوارع او فى اواخر خطوطك و لازم تكون الصوره جايلها حلوه عشان تطلعها حلوه هى عمليه ممكن تحطها بد البوستر العادى
و هناك مكبر خطير يسمى الترى و هو يشبه الالكاد فى الشكل و لكنه رهيب و شخصيا اطلق عليه الساحر انت بتدخله الصوره و حشه بيطلعهالك حلوه و يرفعها و ينقيها من الشوائب و هناك انواع منه اربعه خرج و 2 خرج ممتاز جدا فى الشبكات و هتلاقيه فى القاهره و الاسكندريه مكبر روعه
ارجو ان اكون افادتك اخى

[m_m_m_m]

المشاركه الاصليه مصطفى محجوب
عندى شبكة مكونة من 22 قناة بلدى اريد أن ازود عدد القنوات لــــ 30 قناة وأضع بعض القنوات على نظام vhf
فما هو سعرالكابينة الجديدة ولو حد عنده كابينة مستعملة يدلنا نشغل حتى لو 12 قناة كابينة والباقى على النظام العادى
ياريت الرد من مهندسى فنان سات
ولكم جزيل الشكر

[m_m_m_m]

اخى مادام عاوز تزود قنواتك بنظام الكباين مينفعش تعمل شويه كبينه و الباقى عادى نظرا لان صوره الكباين بتكون مضغوطه و فى تلك الحاله ستظهر بقية القنوات ضعيفه و صورتها غير جيده بالمره لانها غير مضغوطه
بالنسبه لعدد القنوات للكبينه الواحده عشر قنوات و بالنسبه للسعر الاسعار ممنوع ذكرها فى المنتدى يمكننى ارسالها لك عبر الايميل
لو كنت قدمت شويه فى السؤال كان امامى كبينه مستعمله من لبنان و لكنها بيعت على العموم الجيات اكتر من الريحات هناك انواع كثيره من الكباين منها الاوديو و الفيديو و منها الفلاتر و منها الراكات و انواع اخرى كثيره جدا ان كنت من سكان المحروسه مصر خد نفسك و انزل على اسكندريه هناك هتلاقى مرادك من احسن كباين و احسن مكبرات و احسن فلاتر و غيرها و غيرها
ارجو ان اكون افادتك اخى

[m_m_m_m]

المشاركه الاصليه mostafa newlife
السلام علي من اتبع الهدي

تحياتي لكل اعضاء هذا المنتدي المفيد

واشكركم جميعا علي محاوله الافاده وعدم البخل علي اي حد باي معلومه ومحاوله اعطاء خبره السنين للجميع

والله في عون العبد مدام العبد في عون اخيه بارك الله فيكم جميعا ورزقككم من حلاله

ولو روح الحب والمسانده الموجوده هنا موجوده بين جميع افراد الشعب ما وصل بنا الحال اللي ما نحن فيه ولتقدم بنا الحال كثيرا

اعذروني علي الاطاله ولكنني احببت ان اشكر الجميع وان اعطي لكل ذي حقا حقه فللكل تحياتي اينما كان ...... اعانكم الله


كان ليا سوالين

اولا معايا امب الكاد 512 مركزي
وامب تلفاز نص مركزي .... حوالي 30 دي بيه مخرج واحد ومدخل واحد وفتحه تست
فيه ناس قلولي الالكاد احسن وفيه حد اكدلي بثقه ان الامب التلفاز احسن
فاه رايكم

ثانيا لقيت حد يبدلي الاسترا باجهزه شبيها بالاسكاي
يا تري اعمل مجموعه من 10 اجهزه مره واحده ( مع العلم ان منهم 5 ايه ار تي + خمسه شوتايم)
ولا اعمل مجموعتين كل مجموعه خمس اجهزه
جهاز بكامه ووراه اربعه فرررررري

ولو استعملت الامب الالكاد اخرج بسلك قد ايه من الغرفه لاول امب وحيكون الاكاد 400
وبعد كده اظبط المسافات بين الامبات باي طريقه علما باني شغال اسطح ( ده سوال تالت هديه علي السوالين الاساسيين)

اشكركم

وفي انتظار الردود

والسلام ختام

[m_m_m_m]

اخى مصطفى بالنسبه لسؤالك الاول الالكاد 512 احسن لانه اعلى فى الديسبيل كما انه يتميز بانه لديه اكثر من مدخل in تسهل عليك عند التجميع على عكس المكبر التلفاز فهو اقل فى الديسبيل و كذلك لديه مدخل واحد in
بالنسبه لسؤالك الثانى منظومة الاسكاى فى الوقت الحالى لو شغلت و احد رئيسى و 10 فرعى
و لو حتى الكارت جديد v5 او زيتا تعمل عليه القنوات بدون تقطيع و تلك الحاله مستمره منذ كسر شفره الارت و الشوتايم و هذا ليس عندى له تفسير اما شخصيا افضل ان تمشى عادى كارت للشوتايم و اخر للارت و يفضل ان تكون نوعية الكروت v2 او v4 لانها الافضل و ستعمل معك بدون اى مشاكل و تمشى جهاز بكامه ووراه اربعه فرررررري هذا اضمن و احسن
بالنسبه للتوزيع انت هتاخد من خرج الالكاد 512 على تاب احمر 8 خرج او اسبيلتر ترياكس 8 خرج
وتو زع منه 8 خطوط الى 8 مكبرات افضل ان تكون تلفاز و على العموم الكاد مفيش مانع و المسافه بينهم تقديريه و تختلف حسب قوة الرمى و توزيعة الشبكه و يمكنك الرجوع الى موضوعى شرح تركيب دش مركزى و ستجد فيه شرح يبين كيفية التوزيع فى الشوارع
ارجو ان اكون افادتك اخى

[m_m_m_m]

المشاركه الاصليه ابو سيف
يا تري هل من أحد الاعضاء الكرام لديه كارت v 4 للبيع لانني في حاجه شديده اليه

[m_m_m_m]

اخى ابو سيف احب انبهك لو اشتريت كارت v4 لازم يكون مفعل و سارى المفعول سواء مشحون شوتايم او art لان لو كارت منتهى الصلاحيه لن تسمح الشركه باعادة شحن الكارت و ستلغيه و اذا اردت التجديد يجب ان تشترى كرت جديدv5 او zeta ثم تشحن ماتريده

[m_m_m_m]

المشاركه الاصليه vodafone_016
سؤال مهم الي خبراء المركزي

بالنسبه لموجه vhfترددها من 1 الي 20 و ال uhf ترددها من 21 ل 69 ايه هو تردد موجه ال vhl؟ وايه طريقه تبنيد القنوات علي vhf و vhl؟؟؟؟؟؟؟

[m_m_m_m]

المشاركة الأصلية كتبت بواسطة ابو سيف
من 70 الي 90 بواسطه الموديلتور

كلام مظبوط اخى بارك الله فيك
كما قلت اخى vhfعالى تبنيده من 1 الى 20 و uhf من 21 الى 69 و vhl منخفض من 70 الى 90 و لكن للعلم vhf اكثر احتفاظا للصوت و الصوره و انت بتجمعه داخل السنتر لازم تفقده اى تضعفه حتى لايؤثر على ترددات المدى uhf و هناك ريسفرات تكنوسات و مودليتر عشان تحط قنواتك على vhf
و بالنسبه للبندات اختار البندات اللى تريحك و اترك بين كل قناه و الاخرى قناة توليف او قناتين و لكن لاحظ جيدا البند vhf عموما هو البند المخصص لترددات الراديو fm و كذلك هو الخاص بالترددات البحريه و بعض ترددات اللاسلكى و به ترددات بعض القنوات الارضيه مثل الاولى و الثانيه و الثالثه لذلك ابتعد عن تلك الترددات حتى لا يحدث تداخل و ضيف القنوات التى تريدها
ارجو ان اكون افادتك اخى

[m_m_m_m]

اخى بتلك الطريقه uhf هيشيل معاك نحو 25 قناه و vhf هيشيل معاك نحو 8 قنوات و انت مستريح و يصبح عدد قنواتك نحو 33 قناه بالاضافه الى القناه الاولى و الثانيه يصبح عدد قنواتك نحو 35 قناه
ارجو ان اكون افادتك اخى

[Mostafa NewLife]

ايه الموضوع الجامد ده

قريت اخر صفحه بس

لقيت الكلام مفيد وكلام مبسط وبالعربي بتاعنا

تسجيل حضور وحرجع اشوف الموضوع من البدايه

بعد اذنكم

سلام موقت

[Mostafa NewLife]

بجد كفايه حرام

كل ديه معلومات جديده

انا بقالي سنه ونص في المجال ده معرفتش ده كله عن الفنيات

بس فعلا العلم نور

انا من ساعت مكتبت الرد اللي فات لححد دلوقتي والله بقراء في الموضوع ووصلت للصفحه 17 وعرفت حاجات لو كنت اعرفها مكنتش وصلت للي انا فيه ده دلوقتي

اينعم لسه المعلومات مثبتتش وكله خدت فكره عامه عنه

بس بدات اجمع الخيوط واعرف اساسيات سيستم الغرفه واساسيات التحرك بصوره بطريقه جميله وعلميه للاستفاده باقصي استفاده واقل مشاكل واحسن صوره للمشتركين

بارك الله فيكم

وانا اليومين دول في ليص بيص بس ان شاء الله انا متفائل
والواحد فعلا مبيتعلمش ببلاش وانا اتعلمت بكتير اوي الصراحه

واللي يتعب ينول واللي يصبر يلاقي
وانا متفائل الحمد لله

وشايف ان كل حاجه ممكن تبقي تحت السيطره والحياه تمشي بطريقه اداريه وعلميه

ويا رب اقدر اعوض خسرتي ( سنه ونص من عمري + اكتر من 000 30 الف ) حاجات تانيه كتير اخرها التزامي واحترامي للوقت و كلمتي ووعدي مع الناس عموما و اني بقيت احور وخلاص و ثقتي من ان الناس مبتفدش بعضها وكفايه اني والله مديون لحوالي خمس ست شخصيات بمبالغ كبيره وعليا ايصالات امانه وحاجات كتير اوي اوي اوي اوي اوي كفايه اني خسرت سمعتي واصبحت حد فاشل عامل موضوع بيخسر مبيكسبش وعطلان مش شغال
خسرت سمعتي وفلوسي وعمري وحبي للناس بامااااااااااانه اتعلمت كتير اووووي
وخرجت من السوق بعد سنه ونص بعد ماكنت بحب الناس والعشم بيقتلني وبحب الافاده وعايش في حب

الي اني عرفت اننا في زمن الجنيه براجل وان المفروض يبقي صحبي قرشي وعمي دراعي وان مش الكل بيحب المصلحه وممكن يفيد وممكن يفيدك بما يرضي الله واللي يعمل كده مره ميكررهاش وبعد ما ياخد ثقتك يسوحك بالبلدي

بجد والله العظيم مش عارف اشكركم ازاي ربنا يحرسكم ويبارك فيكم ويسترها عليكم ويفتحلكم ابواب رزقه

رجعوتلي ثقتي في عز مانا دخلت في مود الحماس والعمل والحركه ودفعه معنويه قي وقت جميل وممكن يخليني اعيد حساباتي

واكدتولي ان فيه ناس كويسه في المجال ده ناس محترمه ونضيفه ومتعلمه
مش كلهم نصابين ومسجلين وطماعين

واكدتولي اللي بقالي سنه ونص بدور عليه وهو ان الموضوع ده ممكن يتعمل بنضافه وبشياكه وبعلم وبتجاريه

انا مبسوط اوي ومتعرفوش ممكن تكوني فدتوني قد ايه

بقالي كام يوم في المنتدي مكنتش اعرف ان فيه موضوع بالروعه ديه وبالسلاسه ديه لاني بيني وبينكم دخلت كذه موضوع حسيت ان الكلام غريب ومجعلص ومعرفتش اهضمه معرفش ليه

الموضوع هنا سهل وميسر وبلغتنا المصريه اللذيذه وفيه معلومات تسوي عدد حروفها ده وبطريقه لذيذه سوال ورده وبكذه طريقه لدرجه ان كل حاجه بتتقال يا عدت عليا في موقف او مشكله او حصادفه لما ابتدي شغلي ان شاء الله

مش عارف ازاي مشفتش الموضوع ده قبل النهارده
وازاي مفكرتش ولا صادفت حكايه المنتديات ديه قبل اليومين دول مع اني شاب نتاوي وبستعين بيه وعندي نت 24 ساعه

والله العظيم ما عارف اشكركم ازاي

وفعلا كل حاجه بميعادها

وقررت اخير اني امشي الدنيا بطريقه تانيه خالص وبمفهوم تاني

اذا تغيرت افكارك تغيرت دنياك
افكاري اتغيرت من مده قريبه ودلوقتي كملتولي المنظومه بافكاركم الثريه بالاضافات

ربنا يقدرني وافيدك ووجودي يببقي ايجابي

اسف فعلا علي الاطاله بس اعذروني

حشتغل في خلال ايام قليله بعد تظبيط الحياه بعد ما اتلغبطت بسبب المستجدات

لكم تحياتي وسلاماتي ودعواتي

والسلام ختام

[Mostafa NewLife]

ملحوظه من كتابه الرد الاول الساعه 8

لحد كتابه الرد الثاني الساعه 10 وشويه وانا بقراء في الموضوع
وكنت فاكر الصراحه اني خدت وقت اكتر من كده
انا خدت فكره عامه بحيث اعرف ايه موجود
وواحد وواحده حاخد معلومه معلوه واطبقها عملي وانا بشتغل علشان افهم واعرف وتثبت في دماغي
اشكركم ومش حكتب حاجه تاني خلاص النهارده غير

السلام احلي ختام

[m_m_m_m]

اشكرك اخى على ردك الجميل و لكنك اعطيتنا اكثر من حقنا و اذكرك و اذكر نفسى و اذكر اخوانى بقول الله / و فوق كل ذى علم عليم /
و هناك اساتذه افاضل لهم باع كبير و تعلمنا منهم الكثير مثل الاستاذ netfox و المهندس محمد احمد و الاخ احمد دعواتنا له بالنجاح و التوفيق و الاخ محمد قاعود و احشنا و الله و ياريت لو سمعنا صوته و الاستاذ جمال كووو و غيرهم و غيرهم بارك الله فيهم جميعا و جعل ذلك فى ميزان حسناتهم
و ارجو ان ان يكون موضوعى قد افادك و اى حاجه امر اخوك فى خدمتك