ماذا يحدث لو كانت فشلت الثورة المصريه اقرأ عناوين الصحف
عناوين الصحف لوفشلت الثورة : منح العادلي قلادة النيل..مرتضي منصور يقدم سي دي فضائح مؤسس الفيسبوك
انتشرت على مجموعات «الفيس بوك» العديد من التعليقات الطريفة على سؤال: «ماذا كان يحدث لو فشلت ثورة يناير.. لا قدر الله؟»، وبالرغم من المأساة التي سوف نعيشها لو فشلت الثورة فعلاً واستمرار الوضع المزري على ما هو عليه من فساد ونهب وسرقة ورشوة وم...حسوبية،
وغيرها من سوءات النظام السابق، إلا أن التعليقات على هذا السؤال والإجابة عنه جاءت ساخرة وغير متوقعة؛ خاصة حينما لجأ المعلقون إلى توقع ما قد يقوله «المتحولون» تعليقا على فشل الثورة
* مانشيت الصحف القومية هيبقى «ضبط ٨ ملايين من مثيري الشغب».
* كنا هنلاقى ناس كتيرة جدًا طالعة تقول: «أنا من يوم ٢٥ يناير وأنا بايت في ميدان مصطفى محمود».
* بدل أغنية حمادة هلال «شهداء ٢٥ يناير راحوا في أحداث يناير» كنا هنسمع أغنية «أستاذ جمال مبارك ابن الريس مبارك».
* كنا هنفضل عايشين على ذكرى الأهرامات وجون حمص في إيطاليا والدقيقتين اللي لعبناهم في ماتش البرازيل وجون مجدى عبد الغنى في كأس العالم إللى بيذلنا بيه لحد دلوقتي.
* أبوالغيط في مؤتمر صحفي: «مش قلت لكم إحنا غير تونس؟».
* منح العادلي قلادة النيل.
* أحمد زكى بدر بدل ما هيحول المدارس تجريبى كان هيخلى البلد كلها تجريبي.
* بطرس غالى يفرض ضريبة جديدة وهى ضريبة «إحمد ربنا انك لسه عايش».
* كانوا هيلغوا يوم الجمعة.. هيبقى خميس سبت على طول.
* شعار مؤتمر الحزب الوطني ٢٠١١ كان هيبقى: «علشان تبقى تعمل راجل تانى».
* كان المستشار مرتضى منصور هيطلع السى ديهاية بتاعت مارك زوكربرج مؤسس الفيس بوك.
* كان محمود سعد هيشترى كل بيجامات العالم بالتسعة مليون اللي كان بيقبضهم ويقعد يغيَّر فيهم في البيت.
* طلعت زكريا كان هيعمل جزء تانى لطباخ الريس وياخد سماح أنور وزينة وعفاف شعيب.
* سيظهر شعار جديد «إرفع راسك فوق لما تشوف حلمة ودنك».
* كنا سنرى شعارًا آخر يقول: «انا هانتخبك يا ريس حتى لو دمى سال.. ولو انت ماترشحتش هانتخب ابنك جمال».
* تامر حسنى سيقدم لنا أغنية «كده هو» ردًا على أغنية محمد منير «إزاى».
* أمن الدولة كان هيشارك بفريق في الدوري.. اسمه «اتحاد الملفات