[مدحت الجزيرة]

احتار شعري

ياسيدي لا تظن السوء في ظنّك
فالحب هو يربش الاحوال لا قد زاد
خلفت وعدي ونفسي خازيه منّك
والله يشهد فلا تشمت بي الحساد
ولو سالت الليالي با يجيبنّك
اني الى الفجر اسهر مهتني برقاد
قالو لي ارقد ! الله لا رحم جنّك
اسهرتنا قد وجب من عندك المشراد
ورغم علمي وفهمي يالحبيب انك
هيهات هيهات تذكرني مدى الآباد
رسايلي والقصايد ما يهمنّك
حتى تخيلت انك عاد بن شداد
ياكم تمنّا عيوني لو يشوفنّك
مره فقط با تخفف لوعة الابعاد
حسدت حتى البيوت اللي يضمنّك
ليتك سكنت الحشا في داخل الاكباد
ياللي عيونك بلا امهال اعطنك
قوة رهيبه لارواح البشر تصطاد
احتار شعري ولم يرقى الى حسنك
مهما كتبت القصايد عابها النقاّد
لكن اقول انت روحي لا غنى عنّك
والروح اصل الحياة وقيمة الاجساد