اكسري نفسك بنفسك
ماتفكريش إنى هندم
على شىء ماعملتوش
ولا تنكريش إن حبك كان كدب ماحستوش
وطريقى غير طريقك وطريقك ماختروش
فحبك قصة بدايتها
كلمة وكلامك تاه صداه
زى ماضيعتيه فجأة
هتُّوهي وتضيعي معاه
وهتخرجي من حياتى
انا قلبى ماعادش باقى
ولا يمكن تانى هارجعلك صدقينى قرار نهائى
خليكي عايشه لنفسك
إوعدي وإخلفي براحتك
إجرحي وإظلمي حبايبك
ضيعي أحلامي البريئة
كام خدعة وكام طريقة
مش هتقدري تخبى الحقيقة
مش هتباني الضحية
بكلام وعيون جريئة
إنتي هتحصدي حصادك
هتشوفي اخرة خداعك
واللى إنتي جرحتيه مرة
هيشوف دايماً جراحك
قولي ليه وأصرخي ونادى
دوقي طعم الآه قصادى
إكسري نفسك بنفسك
عيشي خاليه بقلب فاضى
|