[محمدالسيدتى800]

المشاركة الأصلية كتبت بواسطة mostafaesa

اخوانى عند الذهاب لعمل صيانه لاى طبق
لا تعتمد على كلام صاحب الجهاز
ابدأ انت وضع جميع الاحتمالات دون التقيد بما رواه لك
و سوف اقوم بسرد بعض الامثله قد حدثت معى بالفعل
احيانا ياتى الزيون ان صح التعبير ويقولك احنا قاعدين نتفرجو على الدش وفجاه الجهاز قطع اشاره
تسأله حد لعب فى الرسيفر يؤكد لك انه لم يحدث
ثم تفاجى بنه تم العبث بقوايم الاعداد
احيانا تحدث مشكله بالرسيفر وصاحب الجهاز قيل مايستعدى الفنى يطلع جرى على الطبق ويلعب فيه
واخر ما يزهق يروح للفنى ويقله الدش مش شغال تسأله حد لعب فى الطبق يقولك لا
تروح انت وتلاقى ان السلك فاصل تروح تجيب السلك وتغيره وطبعا مش حايشتغل
لانه لعب فى الطبق وفى القطعه
انا من فتره جالى زبون كنت مركب له طبق متر 3 قطع
وقالى كل الاقمار شغاله ما عدا النايل سات سألته حد لعب فى الطبق فانكر ذلك
رحت معاه الاول شوفت الرسيفر وراجعت الدايزك لقيته مغيره المهم ظبطه وبرضه النايل لم يعمل قاطع اشاره
طلعت اشوف الطبق ابص على مسطره النايل سات حاولت احركها
سنه شما ل يمين فوق تحت مافيش فايده قلت له مش ممكن حد لعب فى المسطره قالى لا اصريت على كلامى قال انا بس لفيت القطعه سنه صغيره
احرك القطعه مافيش فايده
قلته له انت لعبت فى صاموله المسطره قالى سنه صغيره ورجعتها تانى وفى الاخر اكتشفت انه مغير المسطره كلها
موقف تانى
اتصل بى زبون وكنا فى وقت متأخر من الليل
قالى الدش فصل اشاره قلت له بص على السلك الراكب فى الرسيفر شافه وقالى تمام قلت حد لعب فى الرسيفر او الطبق قالى لا
المهم رحت اشوف الدش لقيت الدش فاصل اشاره سلك بعته جاب سلك وركبت له البنات
وطلعت على السطحوو كان ضلمه وركبت السلك نزلت لقيت اشاره السلك تمام بس قاطع اشاره صوره
وقلت له اكيد حد حرك الطبق اقسم ان ماحدش جه جنب الطبق
المهم طلعت على السطح وطلعت التلفزيون وحركت طبق سنه شمال سنه يمين مافيش فايده فوق تحت ما فيش فايده شكيت فى القطعه غيرتها
طبعا انا بشتغل فى الطبق ومش مدى خوانه وكنا بالليل زهقت ووقفت اشرب سيجاره وريح شويه
ببص حواليه لمحت بعض الاطباق راكبه وافاجى بان الطبق متوجه الى الشمال
قلت له يا عم الطبق ده ملعوب فيه اقسم اكثر من يمين ونفى ذلك قلت له مش ممكن قالى انت من يوم ما ركبته وهو كده ومافيش حد فى البيت غير انا وابنى
اتصل بابنه فى التليفون فانكر ذلك فلت له يبقى البيت فيه عفاريت
المهم فى الاخر عملته بس طوقته فى المصنعيه
تحياتى للجميع

بحد موضوع متميز و حضر تك رجل ابن بلد و بتفهم فى الا صول و انا متاكد ان المعلومه و صلت

الى كل فتى و صل ابداعك و كبر مخ من الحقدين

مع تحياتى اخوك فى الله محمد السيد تى800