شمل العرب
شمل العرب
امتى شمل العرب يتلم يوقف نزيف الدم
فى عراقنا وفلسطين ودم الشيخ ياسين
مايروح هدر ياعم
امتى شمل العرب يتلم
امتى السكوت ينطق دمى يفور يحرق
انا مش ضعيف لكن بركان حمم ساكن
وقت اللزوم ينشق يقفلله مليون فم
امتى شمل العرب يتلم
ما تقولوا ليه ساكتين داحنا العرب قادرين
وصوتنا مش مقطوع ليه قتلنا مشروع
دبحونا بالسكاكين ليه دمهم يحرم
امتى شمل العرب يتلم
غزه يا ارض الله باصرخ واقول الاه
يتهز ليها الجبل دانا جرحى ما يندمل
وحياتى ماهى حياة طول ما الجيف بترم
امتى شمل العرب يتلم
بانيين فى بيتى جدار واتعللوا فى الاسوار
امريكا ويا يهود وقنابل العنقودتزحف فى كل مسار
لا نهاب ولا نهتم
امتى شمل العرب يتلم
يادم طفل شهيد ياشيخ كبير وقعيد
اصرخ على امك دالارض بتضمك
دمك دا ليها وريد تحييها قطرة دم
امتى شمل العرب يتلم
عدوى ياخيبان هاتعيش فى ارضى جبان
انا ارضى مش موطنك ماتقوللى مين حاكمك
دالحكم للرحمن والرحمه منه تعم
امتى شمل العرب يتلم
يا ارض مله ودين يا موقعة حطين
انا ليكى حامى ديار ونار تقيد من نار
حالف بربى يمين ما يخطى عدو يسلم
امتى شمل العرب يتلم
يا سر فيا انكتم ياعيون وصابها العتم
ضلت طريق النور ودراع وصار مبتور
وقلوب سكنها الالم لسه كلامى ماتم
امتى شمل العرب يتلم
شعر
مـمـدوح بـــدوى
االنوافعةـ فاقوس ـــ محافظة الشرقيه
جمهورية مصر العربيه
|