اخى محمدبالنسبه للكبينه لازم تكون الموديلات كلها متساويه انت هتعمل كالاتى
1- لازم يكون معاك جهاز سيجنل ليفل ميتر لقياس قوة الاشاره ب الديسبيل عشان يقرا لك كل بند قوته قد ايه
2-عاوزك توطى الكومينر بتاع الكابينه من ورا على الاخر عن طريق زر التعليه والتوطيه الموجود فى خلف الكوميبنر شمال بتوطى و يمين بتعلى
3- يوجدفى كل مديول زر rf فلتره لتعلية القناه و تنعيمها و فلترتها وادامك اختيارين اما تعليه على الاخر او توطيه على الاخر و افضل الاول عشان تاخد احسن صوره من الكابينه
4- بعد متعليه و تحاسب و انت بتعليه عشان مينكسرش تقيس كل البندات فمثلا هتجد البند 21 قوته 94 و البند22 قوته 99 و بند اخر قوته 96 و هكذا
5- هتشوف اقل و احدمنهم كام هتظبط عليه فمثلا لقيت اقل واحد فيهم قوته 94 يبقى هتخليهم كلهم 94 من خلال زر rf الموجود فى كل مديول بحيث تكون الكبينه كلها اسطمبه واحده التعليه يمين والتوطيه شمال
6- هنجى بعدكده لتعلية الكومبينر اعرف ان احسن صوره واللى ترمى معاك مسافات يقرى معاك البند على الجهاز نحو 110ديسبيل واسواها لما يقرى معاك البند من 52 ديسبيل و انت نازل
7- انت بتجمع حسب نوع الكابينه فيه كباين بتقرى معاك لحد 100 ديسبيل فقط وفيه اخرى 110 و فيه اخرى 120 و فيه اخرى 130 حسب نوع الكابينه
8- و انت بتجمع هتشوف انت شبكتك هترمى اد ايه بعد بكره rg 11 مثلا و لا على شبكتك ضغط و كبيره و لا فية شبكات واخده منك الحاجات مقدرش احددها انت ادرى بيها
9- فرضا انك هتظبط الكابينه على 110 ديسبيل الصوره هتبقى حلوه جدا وخصوصا ان كابينتك اول 16 بند هتوصل لكل المشتركين
10- كده خلصنا من تظبيط الكابينه وصو رتها تمام نيجى لتظبيط الريسفرات طبعا انت مجمعهم بلدى عن طريق rf الجاك الدكر والنتايه ومنه على اسبيلتر ومنه على مكبر
11- اخى انا بتخيل معاك مش عارف انت عامل ايه بس هقولك على ملاحظات يفضل انت تكون الجاكات حديد و الافات من النوع الجيد ومتركبه كويس بالنسبه للاسبيلتر يفضل انه يكون اقل تفقيد مثلا اسبيلتر الماجيكmagic او اسبيلتر عادى و يكون متعدل كويس عن طريق الدايود و مش ملمس ارضى و ان لم تجد فليس امامك خيار سوى التلفاز او fte التابات الحمراء او تفقيدها عالى جدا اوالترياكس
12-بالنسبه للمكبر يفضل ان يكون مكبر سنتر و ليس شوارع ومن الافضل الانواع التلفاز مثلا مكبر تلفاز45 ديسبيل مدخل in واحد ومدخل out واحد او مكبر تلفاز53 ديسبيل 3 مد اخل in ومخرج out وهناك مكبرات اخرى مثل لشبون او الكاد اوغيره
13- هناك ملاحظه اخيره يوجد داخل كل كومبينر ايسى له رقم وقد يكون لونه بنى او اخضر حسب نوع الكابينه و يوجد متركب عند مسطرة اللوب rf in فى الكومبينر تعرف رقمه و نجيب واحد زيه تمام من اى سنتر او دكان متخصص فى الشبكات المركزيه
14- وبعد متجيبه يوجد فى المكبر اللى عندك واحد زيه هتغيره بيه اوممكن تجيب واحد اعلى منه و تحطه فى مكبرك عشان هيه فى البندات الاخيره هيرمى معاك وهتحس ان كل القنوات سواء اللى خارجه من الكابينه او اللى متجمعه بلدى واحد و صورتهم واحده
15- هتجمع قنواتك وعن طريق جهاز قياس قوة الاشاره هتخلى البندات كلها متساويه فى الرمى و هتجمعها مع الكابينه فى اسبيلتر او دوبلكسر او مكبر كبير حسب متحب وممكن تخلى القنوات اللى فى الاخر اعلى فى الديسبيل عشان هيه اكتر قنوات بتقع كل ما الصوره بتمشى مسافات كبيره
16-هناك ملاحظه اخيره اخى اذاكانت كابينتك صينى يفضل عمل خط ارضى لحماية الشبكه و يفضل وجود استبليزر لحماية الشبكه و الكابينه لان خرجها ردىء ويتاثر بانقطاع الكهرباء وعودتها فممكن الصورةتضعف اوتشد اوتنظبط اوتتطيرالايسى بتاع الكابينه و تضطر تغيره اوتخلى الكابينه تضرب دايرة بور و يفضل التهويه الجيد لها لان صنعها صينى غير جيد و اليومين دول الدنيا ولعه
ارجو ان اكون افادتك اخى وكل سنه وانت طيب و الامه الاسلاميه بخير وسلام يارب
