هام جدا جدا لازم تدخل يا مسيو وتوضح وجهة نظرك
ليه اى حد بيعمل موضوع بينتقد فيه السيرفر الموضوع بتاعه بيتقفل احنا مش بنهاجم الجهاز الجهاز ممتاز بس السيرفر سئ وكثير التقطيع وده شئ محدش يقدر ينكره ومش انا بس الى بقول كده ده كل الناس بتجمع على ان السيرفر مش مستقر وكثير التقطيع وحضرتك جاى بتقول انهم حيضيفوا 3 ايام تعويض عن الى حدث طيب انا واحد ظروف شغلى مش بتسمحلى غير انى اتفرج غير يوم الخميس والجمعة يبقى ابسط حقوقى انى الاقى السيرفر شغال انا دافع مبلغ فى الجهاز ده يبقى من حقى اتفرج على الى انا عاوزه ما انا كان ممكن اروح اشترى جهاز عادى من ابو 150 جنيه بس انا دافع مبلغ علشان اتفرج على المشفر يبقى من حقى انى الاقى خدمة كويسة لازم تراعى الكلام ده ولازم تحترم ارائنا وكلامنا حتى نبادلك الاحترام ونثق فى كلامك ويجب ان تتركنا ان نعبر عن ارئانا بكامل حريتنا طالما اننا لم نتجاوز حدود الباقة ولم نهين احد احنا كلنا هنا ناس محترمة ولاد ناس وانا بجد نفسى اشوف الجهاز فى احسن حال لانى فى الاول او فى الاخر انا واحد من مستخدمى الجهاز يعنى انا برضه حقى اضايق لما ابقى قاعد بتفرج على حاجة والاقى القنوات قفلت ده شئ يعصب ولما ابقى عارف ان الجهاز بيفتح تقريبا معظم القمر الاوروبى واجى احول على الاوربى الاقى معظم الباقات مش شغالة ده شئ يضايق ولا ما يضايقش بالله عليكم
|