|
الى فنيين شبكات الدش المركزى ؟
السلام عليكم ورحمة الله وبركاته انا كنت عايز اعرف وصلة الشيرنج على 5 اجهزة و8 اجهزة بتتوصل ببعضها ازاي مع الشرح باصور اهم حاجة وشكراا جدا لكل من من هايشارك فى الموضوع ده
|
رد: الى فنيين شبكات الدش المركزى ؟
ياريت ولك الف شكر
|
رد: الى فنيين شبكات الدش المركزى ؟
تابع معى وانا راح افيدك اخى لان قد ما اشرحلك مشراح تفهمنى
|
رد: الى فنيين شبكات الدش المركزى ؟
ياريت ولك الف شكر
|
رد: الى فنيين شبكات الدش المركزى ؟
اهلا بيك يا اخ على انا هحاول اساعدك ان شاء الله
الاول هشرحلك ازاى تعمل كابل الشيرنج بين الاجهزه .. بص يا سيدى لو بصيت فى اى كابل سوفت هلاقى فى طرفه تسع سنون خمسه فوق واربعه تحت .. من ايدك اليمين للشمال ,, وترتبهم واحد اتنين تلاته وهكذا ...خلينا فى الصف اللى فوق بس ... اللى بنحتاجه فى الشرينج تلات سنون فقط رقم اتنين وتلاته وخمسه وطبعا زى ما قولتلك من اليمين للشمال فى الصف اللى فوق بس ..طب ازاى هتعرف لون السلك بتاعهم ؟؟؟ هقولك طبعا انتا هتقص السلك نصين وهتمسك نص منهم وتبدا بيه الشغل .. هتجيب جهاز افوميتر ,, وهقولك تستخدمه ازاى اول حاجه هتخلى السهم اللى فى جهاز الافوميتر على رسمة السماعه .. يعنى المؤشر هتحوله على رسمة السماعه .. الجهاز ده طالع منه سلكين هتاخد اول سلك فيهم وتكون قاصص حتة سلك دش وواخد النحاسه اللى فيه عشان تشتغل بيها ,, هتحط النحاسه دى فى السن رقم اتنين وتملس اول طرف من جهاز الافوميتر ليها .. والطرف التانى لجهاز الافوميتر هتجربه مه التسع الوان اللى طالعين من الكابل ولما تسمع صوت صفاره من الافوميتر تعرف ان السلك اللى انتا عليه ده بيقابل السن رقم اتنين ... وهتعمل نفس الخطوه مع السن رقم تلاته يعنى هتحط النحاسه فى السن رقم تلاته وتلمسها بطرف من الافوميتر والطرف التانى هتجربه مع الوان السلك لحد ما يطلع صوت صفاره فى جهاز الافوميتر وتعرف ان السلك اللى انتا عليه ده بيقابل السن رقم تلاته ونفس الطريقه بردو مع السن رقم خمسه ... النص بتاع كابل السوفت اللى انتا اشتغلت عليه ده وعرفت الوانه التلاته هتسميه مثلا جهاز رقم ( أ ) وكل سلك هتعرف الوانه هتسميه اسم معين يعنى التانى مثلا هتسميه السلك بتاع جهاز ( ب) هتكتب فى ورقه اول بأول السلك بتاع جهاز رقم أأأأأأأأأ الوانه كذا وكذا ... يعنى مثلا ( السن اتنين لونه ابيض والسن تلاته بنى والسن خمسه برتقالى ) وتكتب قصاد كل سلك اشتغلت عليه الوانه التلاته اللى انتا عرفتهم بالافوميتر .. اهم خطوه بقا انتا طبعا عرفت تجيب التلات الوان لكل سلك شيرنج.. اللى هتعمله بقا ياريس هتجمع كل سلك رقم اتنين مع اتنين وكذلك تلاته مع تلاته وخمسه مع خمسه عدا السلك بتاع الجهاز الرئيسى اللى هو فيه الكامه هتخلى الاتنين بتاعه ماشى مع التلاته بتاع الاجهزه الفرعيه .. والتلاته بتاعه هتجمعه مع الاتنين بتاع الاجهزه الفرعيه يعنى السلك ده الوحيد اللى مخالف ليهم لكن الطرف رقم خمسه مش هنعكسه هيكون هو هو .. وبعد ما تجمعهم تربطهم بشكرتون او تلحمهم بأى حاجه ... كده يبقا عندك كابل شيرنج للشبكه .. لو عايز مثلا شيرنج ل 8 أجهزة هتشترى اربع كابلات سوفت وتقصهم من النص وتعمل نفس الشغل اللى قولتللك عليه .. وعشان الاجهزه متهنجش معاك حاول تقصر السلك على اد ما تقدر وتحط سوفت وير كويس .. واى خدمه ياباشا ,, |
رد: الى فنيين شبكات الدش المركزى ؟
thanxxxxxxxxxxxxxxxxxxxxxxxxxxxxxx
|
رد: الى فنيين شبكات الدش المركزى ؟
اقتباس:
مشكووور اخى وربنا يزيد من امثالك |
رد: الى فنيين شبكات الدش المركزى ؟
بصراحة الله يكرمك ويزيدك كمان وكمان
|
رد: الى فنيين شبكات الدش المركزى ؟
انا من رئى الشخصى انك تعملها عند فنى كمبيوتر انت اشترى له الخامات وهو عليه التجميع ويا ريت يكون حد تعرفه وتثق فى شغله ادى العيش لخبازه اى حد ممكن يخبز لكن مش اى حد ممكن تاكل من عيشه وانت مبسوط وبعدين روحت للفنى وعملهالك هى طبعا هتكون عندك احسن من اجدعها صور رجعها بنفسك وشوفها معموله ازاى انا عملت زى ما بقولك كده النهارده اى حد من اصحابى عايز يعمل الوصله دى انا اللى بعمل هاله ماهو انا مش بحب اللى يعلمنى العوم على الورق لازم يخش معايه البحر عشان لو غرقت الاقى حد يطلعنى لحد ما اتعلم بعد كده اى حد هيغرق هاسيبه يغرق هههههههههههههه قصدى هطلعه مع السلامه عليكم:mohndsen::mohndsen::mohndsen::mohndsen::mohn dsen::mohndsen::mohndsen::mohndsen::mohndsen::mohn dsen::mohndsen::mohndsen:
|
| الساعة الآن 07:11 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir