تحية طيبة للجميع وكما وعدتكم بوضع شرح بالتفصيل الممل لطريقة برمجة الفلاش الخاص بجهاز ستار بوكس وفيجن نيت وأغلب الرسيفرات الجديدة:
أولا يجب أن يكون عندك مبرمجة جي تاغ علشان تتابع الشرح وتطبق والا ماله داعي كثرة الأسئلة والإستفسار.
وبالنسبة للمبرمجة ما عندي خبر وين تنباع ومع ذلك تقدر تسويها صناعة محلية وفيه منتديات متخصصة في هذه المبرمجه تقدر تبحث عنها وتلقى الطريقة.
بالنسبة للشرح ركز مع الصور لأني مرقم الخطوات فيها
وأنا بريء من أي عطل يحدث للجهاز عند حدوث أي خطأ في إتباع الطريقة وماني مسؤول عن أي تلف لأي جهاز وأنا حطيت الشرح بناء على طلب الأعضاء فقط لاغير علما بلأن نسبة تف الفلاش في حال وجود أي خلل تتعدى 70% فاللهم هل بلغت اللهم فاشهد والحين تقدر تتابع الشرح...
أولا: إفتح غطاء الرسيفر وركب كيبل الجي تاغ في المكان المخصص لإعادة شحن الفلاش وتأكد من توصيل الأرضي
ثانيا: إفتح برنامج jKeys:

http://img513.imageshack.us/img513/1039/77686892wq4.jpg

إذا ما صارت نفس اللي في الصورة لاتتعب نفسك وتكمل الشرح لأنه ما راح يشتغل معاك وارجع من البداية او تأكد من كيبل الجي تاغ ومن توصيل السلك الأرضي.
المهم إذا كل شيء تمام إضغط على زر Devlopment Panel بتفتح معاك الصفحة اللي في الصورة اللي تحت ولا تضغط أي شيء حتى موافق

http://img513.imageshack.us/img513/6949/74248709jp2.jpg


الحين خل الصفحة اللي فوق زي ما هي ولا ضغط اي شي وافتح برنامج Wall_v2.0


إذا فتحت البرنامج بتجيك رسالة غلط طنشها ولا ترد عليها وإضغط موافق وبعدين إضغط على زر Reset uP بتطلع لك الرسالة التحذيرية مرة ثانية طنشها وما عليك منها وإضغط موافق

http://img528.imageshack.us/img528/7642/27396557tr4.jpg

وخل البرنامج زي ما هو مفتوح وارجع للبرنامج اللي قبله وبالتحديد نفس اللي بالصورة التالية:

http://img528.imageshack.us/img528/9207/75395876hv6.jpg

وإضغط على كلمة موافق بتطلع لك صفحة البرنامج الخاصة بكتابة بيانات الفلاش مثل اللي بالصورة هذي:

http://img528.imageshack.us/img528/8910/25480769it5.jpg

في هذي الصفحة مانبي الا إنك تتبع الترقيم وتحط البيانات هذي في الخانتين الأولى والثانية حسب الترقيم الموجود في الصورة:
1- الخانة الأولى إكتب 2000E020.
2- الخانة الثانية إكتب 01.
3- إضغط على Write Byte.
قفل النافذة من الزر الأحمر اللي فوق.
بتفتح لك صفحة البرنامج الرئيسية وحسب لترقيم على الصورة

http://img528.imageshack.us/img528/7642/27396557tr4.jpg

1- إختر كلمة فيجن نيت.
2- إضغط على كلمة Flash Programming.
بعد هذي اللفة كلها بتفتح لك صفحة برمجة الفلاش .
الحين كل اللي عليك تضغط على زر Earse بتطلع لك رسالة تسألك إذا كنت تبي تمسح كل الفلاش؟؟ إضغط موافق نفس اللي بالصورة
مسح الفلاش ياخذ من عشر الى عشرين ثانية
الحين بعد مايخلص مسح الفلاش إضغط على زر Program بتطلع لك رسالة تأكد لك بيانات الفلاش إضغط موافق


وبتفتح معاك هذي الصفحة
http://img507.imageshack.us/img507/3696/49831817xg1.jpg


إختر ملف الفلاش المطلوب وإضغط موافق وبيبدأ التحميل زي اللي في الصورة بالضبط

http://img507.imageshack.us/img507/8669/13714356ej0.jpg
مبروك
http://img170.imageshack.us/img170/8696/12yv7.jpg

وياليت الجميع يرد على الموضوع لأنه أخذ مني مجهود هد حيلي صراحة فلا تبخلوا علينا بكلمة شكرا لو سمحتوا وبالنسبة لمستخدمي إتصال الدايل أب أنا أرفقت الملف اللي فيه صور الشرح علشان يقدروا ينزلونه على أجهزتهم ويتابعون الشرح