المهندسين العرب - جهاز جروندج فاصل باور

صفحة 1 من 2

عرض 40 مشاركات من هذا الموضوع لكل صفحة

المهندسين العرب (http://www.mohandsen.net/vb/index.php)

- قسم صيانه التلفزيون العادي (http://www.mohandsen.net/vb/forumdisplay.php?f=293)

- - جهاز جروندج فاصل باور (http://www.mohandsen.net/vb/showthread.php?t=504261)

kiko4002

15/6/2011 07:35 PM

جهاز جروندج فاصل باور

يا جماعه لو سمحتوا انا مبتدأ فى صيانة التلفزيون واتمنى مساعدتى فى صيانة هذا الجهاز ان شاء الله

التلفزيون نوعه جروندج موديل الجهاز t21-6210/6
ويوجد رقم بجوار مفتاح الباور اعتقد انه رقم الشاسيه 03-340015-27
الجهاز فاصل باور
فتحته وجدت فيوز بجوار مدخل الباور الرئيسى تالف
مشيت مع الدائرة لمراجعة بقية القطع الألكترونيه وجدت 2 مكثف بعد الملف لا يقيسوا يعنى لا يعطوا قراءة على الأفو من الأتجاهين
فهل لهذين المكثفين علاقة بهذا العطل ولا اغير الفيوز بس واجرب اشغل الجهاز ؟
ديه صورة المكثفين
http://www.m5zn.com/uploads/2011/6/1...yb39d8z3co.jpg

لوركا

15/6/2011 07:54 PM

رد: جهاز جروندج فاصل باور

اخى
هذه مكثفات خزفيه (بفه)
وعدم اعطاء قراءه على الافو
معنى ذلك انها سليمه
وركب فيوز اخر سليم وجرب على السريا (مهم تجرب على السرياافضل)
ولو وجدت شورت عليك بقياس دايرة البور
بدايه من الدايودات وباقى الدايره
ونظف اخى الجهاز اولا من الاتربه بالبلاور
راجع اخى والجميع متابع معاك

ابوعبدة1

15/6/2011 08:28 PM

رد: جهاز جروندج فاصل باور

كلام سليم م/لوركا

جزاك الله خيراااااااياغالى

kiko4002

15/6/2011 10:47 PM

رد: جهاز جروندج فاصل باور

الف شكر يا جماعه على الرد السريع والمتابعه للمشكله
وشكرا على معلومة المكثف البف
انا غيرت الفيوز وجربت والجهاز عمل قفله والفيوز تلف تانى
انا راجعت بقية العناصر وجدت دايود رقم d905 بيقيس من الطرفين
ممكن يكون الدايود ده هو السبب فى الشورت اللى حصل؟
اغيره هو والفيوز واجرب ؟
ولو سمحتوا حد يوضح يعنى ايه اجرب على السريا لضعف معلوماتى بصيانة التلفزيون
وشكرا مقدما

جابرنور

16/6/2011 12:09 AM

رد: جهاز جروندج فاصل باور

اخى الكريم قم بتغيير الفيوز والدايوت وجرب على السريا افضل والسريا هى عبارة عن لمبة 200 وصلها مباشرة من الكهرباء وقم بقطع فردة واحدة من السلك وضعة فى بريزة وفى البريزة ضع فيشة التليفزيون وجرب وتابع معنا

لوركا

16/6/2011 09:23 AM

رد: جهاز جروندج فاصل باور

1 مرفق

اخى
اليك رسم مبسط للسريا
ومرفقه الصوره لو لم تظهر عندك الصور
وغير الدايود التالف
وراجع على باقى الدايودات واى قطعه اخرى فى دايرة البور تاكد من سلامتها
ملحوظه عند توصيل الجهاز للكهربا عن طريق السريا
لمبة السريا ستكون اضائتها عاليه فى البدايه
عليك الانتظار قليلا ليقوم الجهاز
راجع اخى والجميع متابع معاك

http://up101.9ory.com/v/11/06/16/09/22057049580.png

مدحت الجزيرة

16/6/2011 10:37 AM

رد: جهاز جروندج فاصل باور

جروب ولا اجمل من كدا

شكرا ياجماعه على الرد

وشكرا لصديقى لوركا

على الرسمه لاخينا العضو

للجميع تحيتى

فادى سعيد

16/6/2011 11:58 AM

رد: جهاز جروندج فاصل باور

شكرا لكم جميعا علي الرد والمتابعه
ولكم تحياتي

عادل زوزو

16/6/2011 04:06 PM

رد: جهاز جروندج فاصل باور

الله ينور عليك اخى لوركا انسان محترم بجد شكرا اخى

الى الخوة الجدد او حديثى عهد بالصياتة
ارجوكم ترجعوا المقالات والدروس الخاصة بالمجال ده هتفيدكم اوى وفى دروس كتير لعمالقة المنتدى هتفيدكم

انا بكتب ده ليه
لان الغلطة ممكن تكلف كتير فيجب الحظر فى صيانة الاجهزة بمعنى لو حضرتك عاوز تصلح الجهاز عشان بتوع الصيانة اسعارهم غالية حبتين انصحك توديهولهم
اما لو حابب تعمل فى المجال ده اول حاجة واهمها ان تكون بتعشق العمل ده يعنى مش مجرد حب المهنة لا " عشقها لانه مجال صعب جدا
والمهنة الوحيده اللى ملهاش كبير حقا كل يوم بتتعلم حاجة جديدة والخبرة اهم بكتيييييير
وده كلام انسان مجرب " يعنى كانت اهم من الدراسة رغم حصولى على البكالوريوس الا ان المجال العملى بفضل والدى كان اهم جدا عندى
انا بس حبيت اوضح الامور عشان نستفيد كلنا
وبالتوفيق ان شاء الله

kiko4002

16/6/2011 11:37 PM

رد: جهاز جروندج فاصل باور

اولا انا سعيد جدا بالتعرف على كل المهندسين اللى شاركوا فى الموضوع بارك الله فيكوا
ثانيا بالنسبه للدايود انا قيسته خارج الدائره وطلع سليم
ثالثا انا نضفت البورده كويس يا بشمهندس لوركا والف شكر على الرسم التوضيحى للسريا انا عملت واحده فعلا وشغاله تمام
رابعا طلعت المشكله فى ال PCT901 كان منتحر من الداخل وعامل شورت فى الدايره وقمت بتغييره واستبدال الفيوز بأخر سليم وأشتغل الجهاز تمام الحمدلله ووجب عليا اعلامكوا بالنتيجه
انا متشكر جدا لأنى فعلا اتعلمت منكوا كتير
جعله الله فى ميزان حسناتكوا ان شاء الله
انا كان لى طلب اخير . كنت عاوز اعرف تعريف ال PCT901 وايه فايدته داخل الدائره وكمان ازاى اقدر اعرف المكثف الخزفى البف اللى قال عليه المهندس لوركا وشكرا

وديه صورة للقطعه المنتحره على البورده
http://www.m5zn.com/uploads/2011/6/1...5v5q8p5d2a.jpg

جابرنور

17/6/2011 01:47 AM

رد: جهاز جروندج فاصل باور

اخى الكريم ال btc هو مقاومة المسح المغناطيسى للشاشة فقط مش اكتر من كدة ولك تحياتى

kiko4002

17/6/2011 02:50 PM

رد: جهاز جروندج فاصل باور

الف شكر مهندس جابر على المعلومه

SAED.YUSF

18/6/2011 02:27 AM

رد: جهاز جروندج فاصل باور

شكرا أخى على أفادتك بالأصلاح ومبروك أما سؤالك عن ( ptc ) هو عبارة عن مقاومة وتصل بكابل الديجازون حوالى الشاشة وتعمل مؤقت فى بداية قيام الجهاز للعمل والهدف منها أزالة أى منغناطيسيى بالشاشة وبدونة تصبح الشاشة مبقعة بالألوان وتقبل تحياتى

SAED.YUSF

18/6/2011 02:32 AM

رد: جهاز جروندج فاصل باور

شكرا أخى العزيز /جابر على المتابعة وأسف لم أشاهد ردك من قبل
وتقبل تحياتى

kiko4002

18/6/2011 09:26 PM

رد: جهاز جروندج فاصل باور

الف شكر مهندس سيد على الأضافة

الساعة الآن 06:28 AM

صفحة 1 من 2

عرض 40 مشاركات من هذا الموضوع لكل صفحة